Singer, nagpa-botox na rin!

Nanood kami ng concert kung saan guest ang sikat na male singer. Nagulat kami dahil bagets-looking ito at nag-iba nang ayos ng buhok. Napag-alaman namin na kaya pala ito nagmukhang bata ay dahil nagpa-botox din siya.

Matagal na itong singer pero hanggang ngayon ay na-maintain pa rin ang popularidad. Mayroon siyang regular show sa telebisyon.

Angel-Richard Movie, Tuloy Na

Nag-story conference na ang pelikulang tentatively titled I Will Always Love You. Excited na ang bidang si Angel Locsin dahil first time nitong makakapunta ng Amerika dahil doon kukunan ang mga eksena ngayong Hunyo.

Kukunan din ang ilang eksena sa Maynila sa buwang ito kung saan katambal ng aktres si Richard Gutierrez sa pelikulang ito.

Ratsada Sa TV

Nanumbalik na ang sigla ng career ni Valerie Concepcion. Akala nga nito ay hindi na siya makababalik muli sa showbiz matapos makapag-silang ng malusog na baby.

Pagkatapos ng Now and Forever ay kabi-kabila na ang TV guesting nito gaya ng Extra Challenge, Magpakailanman at 3R. Nakapag-diet na ito kaya nanumbalik na ang seksing katawan. Patuloy ang pagwo-work-out ni Val dahil desidido ring magkaro’n ng pelikula.

Di Insecure Kina Juday At Claudine

Naitanong namin kay Gladys Reyes kung ano ang reaksyon nito sa pagkapanalo bilang Best Actress ng kapanabayang sina Judy Ann Santos at Claudine Barretto sa Sabel at Milan.

"Happy po ako sa kanila at hindi naiinsecure dahil nakatanggap na rin ako ng award bilang Best Actress sa Star Award (PMPC) noong 2000 para sa Saan Ka Man Naroroon. Deserving po sila sa award dahil pareho naman silang magaling na artista", anya.

Panay ang dalangin ni Gladys na sana’y makabuo na sila ni Christopher Roxas dahil kapag hindi pa siya dinatnan ng buwanang regla ngayong May 25 ay malamang na buntis nga siya.

Apat Na Penguin Hinuli Sa Baywalk

‘Hinuli’ ng pulis ang apat na Penguin na naligaw kahapon sa Baywalk Roxas Blvd. Ang apat na penguin ay mga bida ng Madagascar.

Nagmo-mall tour din ang mga Penguin na pinagkakaguluhan ng mga bata.

Ang Madagascar ay tungkol sa apat na mga hayop na lumaki sa sibilisadong syudad ng New York na biglang napadpad sa gubat. Nakaka-aliw ang pelikula na ginamitan ng latest state-of-the art computer animation na tinampukan ng mga boses nina Ben Stiller para sa Alex The Lion; Chris Rock sa Marty The Zebra; David Schwimmer sa Melman The Giraffe at Jada Pinkett Smith para sa Gloria The Hippo.

Release ang Madagascar sa Pinas ng United International Pictures sa pamamagitan ng Solar Entertainment Corporation na siya ring lumikha ng Shrek 2 at Shark Tale.

Palabas na ito sa Mayo 27 sa inyong paboritong sinehan.