Kamukha ni Angel ang girlfriend

Nakausap namin si Ryan Racal na taga-Cebu na naghahanda na rin ngayon para sa Grand Finals ng Search For The Star In A Million. Second year nursing student ito sa Cebu na pansamantalang huminto ng pag-aaral dahil sa hectic schedule.

Ang malaking bentahe nito sa mga kalaban ay ka-boses niya si Martin Nievera na idolo niya.

Inamin nito na paborito niya si Angel Locsin dahil kamukha ito ng kanyang Cebuanang nobya.

Claudine-Diet, Soulmates

Naitanong ko kay Diether Ocampo nang minsang makausap namin para sa teleseryeng Ikaw Ang Lahat Sa Akin kung bakit hindi nito niligawan si Claudine Barretto noon.

Ayon dito, soulmates silang dalawa ni Claudine at matagal na silang magkaibigan. Tinanong ko rin si Claudine tungkol dito.

"Bestfriend ko si Diet at 11 years na ang aming friendship. May usapan kami na walang ligawang mangyayari para hindi masira ang aming friendship. Pareho sila ng ugali ni Raymart na parang suplado at malalim na tao pero mabait naman sila. Wala kaming inililihim ni Diet sa isa’t isa kahit pa ang lovelife. Solid ang foundation namin bilang mag-bestfriend," anang aktres.

Magkasunod ang kanilang birthday-July 19 si Diet at 20 naman si Claudine kaya siguro, compatible silang dalawa. Naiiba ang soap opera na Ikaw Ang Lahat Sa Akin.Gagampanan ni Claudine ang papel ni Nea, isang babaeng laki sa hirap at hinahanap-hanap ang pagmamahal ng buong pamilya. Si Diether si Ivan na nasa kanya na ang lahat pero, gusto pa ring maabot ang matayog na ambisyon hanggang sa balikan siya ng madilim na nakaraan.

Angelika, Mabait Kahit Kontrabida

Ka-trianggulo nina Diet at Claudine si Angelika dela Cruz na gumanap bilang Carrie-maganda, sopistikada at gagawin ang lahat para sa lalaking minamahal niya. Ayon sa aktres, hindi naman siya kontrabida rito kundi kaagaw lang ni Claudine sa pag-ibig ni Diet.

Nang tanungin ito kung kanino niya sasabihin ang mga katagang "Ikaw Ang Lahat Sa Akin" ay wala itong gatol sa pagsasabing ang daddy niya ang pinakamahalagang lalaki sa buhay niya.

Kasama rin si Carmi Martin sa naturang serye. Natutuwa siya na mapasama sa teleserye kung saan enjoy siya sa mga kasamang artista lalo na si Claudine.

May ginawa itong soap opera sa Dos last year pero di siya nagtagal. Magsisimula ang teleserye sa Mayo 16 sa direksyon ni Erik Reyes.

Hero, Di Naman Nega

Kabi-kabila ang negative write-ups kay Hero Angeles at damay pati ang kanyang pamilya. Lalo na ang kanyang kuya Henry. Hindi maikakaila na talagang protective lang sa kanya ang kanyang pamilya lalo na ang nakakatandang kapatid.

Mabait naman si Hero at tahimik pero very transparent. Kaya nang magkatampuhan sila ni Sandara Park ay hindi nito naitago ang kanyang tunay na saloobin. Halos sirain ang kanyang pagkatao dahil sa pagiging totoo. Hindi ginusto ni Hero na makasakit ng kapwa at masaktan din.

Lahat Panalo Sa Search For The Star In A Million

Excited na sa grand finals ang maglalaban-laban na Champions League of Five na kinabibilangan nina Nikki Bacolod, Mabael Bacusmo, Jona Lumbera, Jerome Sala at Ryan Racal na magaganap sa May 15 sa Aliw Theater.

Blind Item: 3 Aktor, Pinagpistahan Ang Isang Babae

Ayon sa isang source ay may bagong bar na binuksan sa isang matulaing lugar sa Kabisayaan. Apat ang aktor na natataypan ang isang bakasyonista na narun din sa pamosong beach. Liberated ang babae. Yung isang aktor ay di na nakasama dahil nandun din pala ang nobya na isa ring sexy star. Kaya tatlo na lang sa magkakabarkada ang gumimik na patulan ang palabang babae.

Yung aktor na kasama ang nobya ay si A at ng tatlong lalaking si B, C, D ay magkakabarkada at lumalabas pa rin sa telebisyon at pelikula.