Pero nagulat kami sa sinabi ni Carlos sa isang staff ng GMA 7 na nakasabay niya sa eroplano patungong Cebu City last Saturday na nagbubuklat ng peryodiko at nang makita si Katrina Halili ay nagtanong daw ito kung anong name ng Startstruck Avenger.
Sinabi naman ng staff ng GMA na siya si Katrina Halili at kasama sa Darna at kaagad daw sinagot ni Carlos ng, "Crush na crush ko ‘yan, matagal na, hindi ko lang alam ang pangalan at hindi ko alam paano ko makikilala, nase-seksihan kasi ako."
Wish nga namin magkakilala ang dalawa, hindi lang namin knows kung papayagan ba si Carlos na magkaroon ng special friend na taga-GMA 7.
Lumagare kasi si Angel mula sa taping niya ng Darna sa skating rink ng Megamall at habang naka-break siya ay pumunta siya sa Ultra kung saan ginaganap ang sales rally ng naturang fastfood product. At nang ipakilala na ang aktres ay na-out of balance ito at nahulog sa backstage ng Ultra na mabuti na lang at naitukod daw niya ang kanyang balikat.
Hindi na nagawang ipaalam pa ng kampo ni Angel sa mga taga-McDonalds ang nangyari dahil kinakailangan naman nilang bumalik sa taping ng Darna sa Megamall dahil limitado ang oras na ibinigay sa kanila.
Siyempre naman nasa Megamall kami on that night at talagang muntik magkaroon ng stampede dahil sangkaterbang tao ang pumaligid sa skating rink at panay ang sigaw nila ng Darna.
Maging sa second, at third floor ng naturang mall ay napuno ng tao sa kapapanood at kinakailangan ng magdagdag ng security dahil maingay na ang mga tao. — Reggee Bonoan