Samantala, hindi nagugustuhan ng mga taong nakakakita na hatid sundo ni Jennylyn si Mark kapag dinadalaw siya sa bahay nila sa Batasan Hills.
Say ng taong nagmamalasakit sa dalagita, "Nakakainis lang kay Mark, everytime na dadalaw siya sa bahay nina Jennylyn, gusto susunduin siya at ihahatid kapag pauwi na. Di ba, dapat siya ang lalaki, siya ang mag-effort?
"Ito naman si Jennylyn, sunud-sunuran naman kay Mark at kapag walang driver, si Jennylyn mismo ang nagda-drive," kumpletong kwento sa amin.
Kung totoo nga ito, nakakapagtaka nga dahil may sarili namang sasakyan ang binata, bakit kailangan niyang magpasundo’t hatid? Nanghihinayang ba siya sa gasolinang makukunsumo niya papunta sa bahay ng mahal niya?
Dumaan ang publicist ni Richard na si Jun Lalin sa party at sinabi niya kay Ms. Becky Aguila, manager ni Angel na hindi nga makakapunta si Richard dahil may taping ito.
Pero nu’ng makita naman ang actor sa GMA 7 kamakailan at tinanong kung bakit wala siya sa party ni Angel ay nagkandabulol sa pagsagot na nasa bahay siya ng kanyang kamag-anak at may ginawa, maya-maya ay binawi at sinabing may pinuntahan.
Naku, mukhang hindi nag-usap sina Richard at ang publicist niya dahil magkaiba ang sinasabi.
Anyway, gusto na lang naming isiping sinadyang hindi pumunta ni Aguiluz sa party ni Alwina para iwas intriga dahil nga naroon si Oyo Boy Sotto?
Kampante naman ang staff ng Pinoy Pop Superstar na mapupuno nga nila ang 17,000 seating capacity dahil halos lahat daw ng provincial tours at shows nila ay punumpuno ang venue at kilala raw lahat ang finalists. – Reggee Bonoan