Ka Freddie nasa Baguio na rin

Nagbukas na ang isa pang music bar and resto ng international singer/songwriter/record producer na si Freddie Aguilar-ang "Ka Freddie’s Fame Music Bar and Restaurant sa summer capital ng Pinas-ang Baguio City, 3rd level ng SM City Baguio.

Bago ang grand opening, magkakaroon muna ng motorcade si Freddie para personal na ipaalam sa buong taga-Baguio na meron nang Freddie’s sa kanilang lugar.

Mahuhusay at kilalang banda naman ang magpi-perform sa gabi tulad ng Watawat headed by Rey "Egpy" de Castro, Pete Canzon, Manny Samaniego at Nestor Ocampo. Ganoon din ang banda ng bunsong anak ni Freddie na si Jeriko Aguilar na sa edad kinse (15) ay gumagawa na rin ng sarili niyang pagnalan sa music industry.

Tulad ng Ka Freddie’s Tagaytay City, hindi rin basta-basta music bar and resto ang Ka Freddis’ Baguio dahil para na rin itong munting museum ni Freddie kung saan makikita ang ilang memorabilia ni Freddie. – Charlie Lozo