Ate Glo handang tulungan si Ate Guy

Willing tumulong ang administrasyon ni Presidente Gloria Macapagal-Arroyo sa anumang puwedeng suporta sa superstar na si Nora Aunor na naghihintay ngayon ng arraignment sa Las Vegas.

Ayon sa isang Malacañan insider, gagawin ng gobyerno ang responsibilidad kay Nora bilang isang Filipino na ginagawa naman kung tutuusin ng gobyerno sa kahit kaninong kababayan natin na nalalagay sa kahit anong gulo sa ibang bansa.

Marami na kasi talaga tayong kababayan na nadadawit sa gulo sa ibang bansa na natulungan na ng administration ni Ate Glo. Kaya lang, hindi sila si Nora Aunor kaya hindi masyadong pinag-uusapan.

Tutal naman, superstar ng bansa si Ate Guy kaya talagang kailangan siyang tulungan ng ka-look alike niyang si Ate Glo.

Remember, magkapatid ang hitsura nila.

* * *

Isang online reader ng PSN, si Ms. Lovely Anabo ([email protected]) na naka-base sa Chicago, ang nagbalita na nanganak na si Mylene Dizon. Pero bago raw nanganak si Mylene, nakikita niya ito sa isang sari-sari store sa Chicago kasama ang ama ng anak niyang si Paolo Paraiso.

Ang nasabing sari-sari store daw na pag-aari ng brother ni Mylene ayon kay Ms. Lovely.

Thanks Ms. Lovely.

* * *

Naging very vocal na si Jodi Sta. Maria tungkol sa naganap na kasalan sa kanila ni Panfilo Lacson Jr. Kung sabagay, wala naman talaga siyang choice kundi aminin.

Hindi pa preggy si Jodi contrary sa mga naglalabasang kuwento. In fact, wala pa raw sa plano nilang magka-baby.

May foundation naman ang pagpapakasal nila. Inabot pala ng apat na taon ang relasyon nila bago humantong sa kasalan.

May consent din ang Mother Studio niya, ang ABS-CBN sa pagpapakasal niya.

Nagpaalam daw siya sa mga bigwig ng Dos at maging sa Star Magic at pinayagan naman siya.

"Alam ni Mr. M (Johnny Manahan) ang tungkol dito. Sinabi naman nila na kung dito ako maligaya, walang problema sa kanila," sabi ni Jodi sa presscon ng Perfect Moments last Tuesday afternoon, na napapanood every Sunday, 11:00 in the morning sa ABS-CBN. Kasama niya sa nasabing show sina Angel Jacob and Rosanne Prieto.

Kasama rin sa nilinaw niyang issue ang umano’y paggastos nila ng malaki sa nasabing kasalan. "Hindi totoo. Simple lang ang wedding at ‘yun talaga ang gusto namin," sabi ni Jodi. "Very intimate at mga kamag-anak at malalapit na kaibigan ang present," she added.

Pinag-uusapan kasing naging magarbo ang kasalan at 300 guests nila.

Last Monday lang siya dumating galing Amerika at diretso na siya sa trabaho. Kaya nga raw hindi pa siya nakakalipat sa bahay ng biyenan niyang sina Sen. Panfilo Lacson. After daw kasi ng presscon na ‘yun, diretso uli siya sa taping kaya wala siyang time na mag-ayos ng gamit. "Pag may time na, mag-aayos lang ako ng gamit at do’n na ako titira," she confirms.

Sa next month pa darating ng bansa si Panfilo Jr. dahil may inaasikaso pa itong negosyo - isang supermarket.

Kino-consider ni Jodi na Perfect Moment ang nasabing kasalan.

Kasama sa entourage ng kasal ni Jodi sina Senators Bong Revilla, Loi Estrada and Lito Lapid.

Anyway, looks like exciting ang Perfect Moments. Kaya kung may mga kaibigan kayong gusto ninyong tulungan na magpaganda, puwede kayong lumapit sa Perfect Moments para gumanda na Ponds ang major sponsor.

* * *

Sasamahan na pala ni Jessica Soho si Mike Enriquez sa coverage ng GMA 7 sa Vatican. Live silang magri-report sa 24 Oras.

Ang TV Patrol World ay may live marathon coverage din ng burial of Pope John Paul II. Paalam, Ama na magsisimula ng 3 p.m., with live pictures of events at the Vatican at 4:00 pm (Manila time), rolling over to TV Patrol World at 6:30 p.m. Go rin sa Vatican ang TV Patrol World anchors na sina Julius Babao and Karen Davila kasama ang field reporter nilang si Lynda Jumilla.

Ang Paalam Ama will be simulcast live on ANC (ABS CBN News Channel), Studio 23, DZMM, and may be seen live through TFC (The Filipino Channel).