Viva Hot Babes, pwede na uling mag-guest sa GMA-7

May mga nagtatanong sa amin, bakit daw hindi kumpleto ang pagpapakita ng GMA-7 ng mga lumabas sa role ni Darna sa pelikula sa The Making of Darna last Thursday. Hinahanap daw nila sina Sharon Cuneta, Anjanette Abayari at Nanette Medved na dating gumanap sa role ni Darna sa Viva Films. Mabuti pa raw ang pagganap ni Vilma Santos sa TIIP as Darna, naipalabas nila.

Nagtanung-tanong kami, at nalaman naming ang mga Darna series ng TIIP ay ipinahiram ni Atty. Esperidion Laxa ng libre, tulong daw niya ito sa ating industriya para maipakita naman ng GMA-7 ang mga dating lumabas na Darna. Ewan lamang namin kung bakit hindi nahiram ng GMA-7 ang ilang video clips ng Darna movies ng Viva Films.

Pero sa kabila noon, nag-enjoy pa rin ng panonood ang mga tao sa The Making of Darna kaya mataas ang rating na nakuha nito.

* * *

Kaya it’s good to see na nagpu-promote na rin ang Viva Hot Babes ng Viva Records ngayon sa SiS ng GMA-7. For a while kasi, nang may shows sila sa ABS-CBN, hindi sila nakaka-appear sa rival station nito. Siguro, mapapanood na rin nating mag-guest sila sa iba pang programa ng GMA-7.

Kaya lamang nang mag-guest sila sa SiS last Monday para mag-promote ng album nilang "Basketball," si Jen Rosendahl na lamang ang original among the Viva Hot Babes, ang iba sina Jennifer Lee, Vanessa, Katrina Gonzales, at iyong isa, hindi namin kilala dahil ngayon lamang namin siya nakita.

* * *

Simula na ngayong gabi ng Pinoy Abroad at nabiro namin si Ivan Mayrina, matapos naming makausap ang co-host niyang si Rhea Santos, kung bakit hindi silang dalawa ang naging mag-sweetheart, samantalang sabay silang pumasok sa GMA News & Public Affairs. Parang magkapatid daw lamang sila ni Rhea kaya nga raw ang tawagan nila ay "Bro." Happy siya nang mag-asawa na si Rhea at hindi naman inilihim ni Ivan na may girlfriend siya, kasama rin niyang nagtatrabaho sa GMA-7.

Ipinagpapasalamat nila ni Rhea ang big break na ipinagkatiwala sa kanila ang pagho-host ng Pinoy Abroad. Iyon nga raw lamang, hindi sila magkasamang umaalis ni Rhea. Siya ay sa Taiwan unang pumunta at susunod niya ay sa United Kingdom, uunahin daw niya ay London. Si Rhea naman ay sa Italy. Noong una raw ay alam niya siya ang pupunta sa Italy, pero sa UK na nga raw siya, dalawang lugar doon ang pupuntahan niya. Pero kahit saan daw siya papuntahin, okey lamang sa kanya, type daw niyang mag-travel at this time, libre pa niyang mararating ang iba’t ibang lugar.

Dahil sa bagong show, kailangang i-give-up ni Ivan ang kanyang Flash Report sa GMA-7 pero tuloy pa rin siya sa pagiging field reporter sa dalawang news program, ang 24 Oras at Saksi. Mapapanood ang Pinoy Abroad pagkatapos ng Saksi tuwing Miyerkules ng gabi.

* * *

Tiyak na matutuwa ang mga fans ng StarStruck 1 & 2 sa balitang tuloy ang paggawa ng movie under GMA Films na magtatampok sa apat na loveteams nina Mark Herras at Jennylyn Mercado, Rainier Castillo at Yasmien Kurdi, Mike Tan at LJ Reyes, CJ Muere at Ryza Cenon.

Pero sa first part daw ng story, ang magkatambal ay sina Mark at Ryza, Jennylyn at Mike, CJ at Yasmien, Rainier at LJ, pero sa ending ay ang talagang magka-loveteam ang magtatambal.

* * *

Ayaw magsalita ni Ryza Cenon, Ultimate Survivor ng StarStruck 2, tungkol sa break-up nina JC de Vera na katambal niya sa Now and Forever dahil wala raw siyang kinalaman doon. Wala silang relasyon ni JC at hindi naman ito nanliligaw sa kanya. Pero bakit sinabi ni JC na nakatulong daw si Ryza sa kanya, para siya makapag-move on pagkatapos ng dalawang break-up nila ni Michelle? Una kasing nag-break-up sina JC, si Cristine Reyes ang sinisi ni Michelle at ngayon naman, sa muli nilang pagbi-break-up, na sabi naman ni JC ay final na raw talaga dahil nalaman niyang ilang beses na raw nagsinungaling sa kanya si Michelle, si Ryza naman ang sinisi nito.

Sabi ni Ryza, nag-advice daw lamang siya kay JC na gawin nitong busy ang sarili sa kanyang trabaho at sa pamilya nito at huwag magpaapekto dahil bata pa naman siya. Paano kung ligawan nga siya ni JC? Trabaho raw muna siya saka she’s only 17 years old, binawalan din siya ng Tita niyang makipag-boyfriend na.