Rufa Mae nagbibenta ng tour

Matagal naming nakakwentuhan si Rufa Mae Quinto kung saan ang naging paksa ng aming usapan ay tungkol sa pagiging negosyante nito. Siya ang may-ari ng Booba Salon at ang pinakabago ay ang travel agency na pinangalanan niyang Rufa Mae Trips and Tours.

Marunong na itong mag-sales talk tungkol sa kanyang travel agency, nagpapaliwanag tungkol sa tour para sa Hong Kong at iba pang lugar. May hawak pa itong flyers kung saan mayroon siyang larawan.

Naitanong din namin kung bakit nagustuhan niyang magtayo ng travel agency. Sinabi nitong mahilig siyang mag-travel at gustong malaman ang kultura ng iba’t ibang bansang pinupuntahan nito. Ang kanyang travel agency ay matatagpuan sa 2nd level ng Madison Square Bldg., San Juan, MM. – EAB