Dingdong,Karylle hanggang 'Love To Love' lang ba ?

Hindi mapasusubalian, malaki ang naitulong ng tandem nina Dingdong Dantes at Karylle para subaybayan ang Love to Love ng mga manonood. Marami kasi ang naniniwala na may namamagitan nga sa kanilang dalawa. Dahil may chemistry sila. Bagay sila. Not even the fact na may Antoinette si Dingdong sa US ay nakakahadlang para mawalan ng pag-asa ang marami na may mabubuong romansa sa dalawa.

Ngayong Linggo, sa episode na Sweet Exchange, makikitang naglalakad patungong altar si Karylle kahit na ang puso niya ay nagsusumigaw sa pag-ibig kay Dingdong na pinanonood lamang ang kasal ng babaeng pinaka-mamahal.

Samantala, mawala pa kaya kay Paolo Contis ang scholarship na dahilan ng kanyang pagpapanggap matapos siyang mabulgar? Mahalin pa kaya siyang muli ni Nancy Castiglione?

Makisaya sa Love to Love Season 4, pagkatapos ng SOP Gigsters.