Ibang mag-alaga sa press

Maraming mga tao ang galit sa bading. Ang turing sa kanila ay outcasts of society o di kaya’y abnormal na nilalang.

There is always an exception. Hindi po lahat ay lalaki lamang ang inaatupag at pinagkaka-gastusan. Mayroon ilan na maituturing na isang huwaran. Isa na rito si Fanny Serrano.

At sino ang hindi pwedeng makakilala kay Fanny na siyang pamosong make-up artist ng megastar na si Sharon Cuneta or drama queen Lorna Tolentino?

Fanny is many things rolled into one: couturier, wedding consultant, interior designer at part-time actor sa stage at television.

Ang lahat ng ito ay narating niya dala ng pagpupuyat at kasipagan.

"Sa pagnanais kong maiahon sa kahirapan ang aking sarili at pamilya ay sinubukan ko ang lahat ng pwedeng pasukan. Kung baga sa isang artista ay nagsimula ako sa pagiging bit player. Wala akong inatrasang trabaho. Hindi ako nagsawang humingi ng tulong sa Maykapal. Ang kakulangan ng edukasyon ay hindi dahilan para hindi mo maabot ang inyong ambisyon sa buhay," wika ni Fanny na ngayon ay mayroon ng video where he shares lahat ng kanyang kaalaman sa sining ng pagpapaganda.

Ang pamagat ng video ay Touch at kung anong klase ng pampaganda ang ginagawa niya sa mga artista eh mai-apply din sa inyong mga sarili.

Kasabay ng paglulunsad ng video ay ang launching ng kanyang line of cosmetics simply titled Fanny Serrano by F21.

Hindi naman kaya mangati ang skin ng gagamit nito, we asked the make-up guru who has been in the business for 30 years.

"We have a chemist para suriin ang mga sangkap at bago namin ito ini-release sa market ay pinagamit namin ito sa mga Arabong kababaihan at nang malaman namin kung magkakaroon ng bad effects sa balat. Awa ng Diyos, they liked the product at walang masamang chemical reaction na nangyari sa kanilang mga balat."

Very affordable ang produkto. Presyong Pinoy ika nga.

* * *

Nasa Siyete na ngayon si Tessie Tomas at kasama sa bagong sitcom na Bahay Mo Ba ‘To?

Iisa ang naging katanungan sa versatile comedian ng entertainment press. Bakit niya iniwan ang Dos?

Simple lamang naging sagot ni Tessie. "They are offering me to do a soap series pero ayoko na palaging may pagtatangkaing patayin o ihahagis sa bangin. Mas type ko ang sitcom dahil laughter makes me feel young," she says.

Parang iba ang narinig naming isinagot ni Ronaldo Valdez who is also in the cast ng Bahay Mo Ba To? at closely identified sa network na ipinagyayabang (kuno) ang pagiging maka-pamilya.

Ang makahulugang sagot ni Ronaldo ay "Ibang mag-alaga ang Siete."

Kahit sa movie press, iba talaga. (Ulat ni Remy Umerez)