Rica, nag-audition para sa Darna. Si Chynna rin!

Sa isang pakikipag-usap kay Chynna Ortaleza sa anniversary party ng Fanatxt na ginanap sa Tavern on the Square sa Greenbelt 3 Makati, sinabi nito na nag-audition siya para sa Darna ng GMA7. Katunayan, naka-wig pa siya ng mahaba nang dumalo sa Fanatxt party na dinaluhan ng mga big boss ng tatlong malalaking telecommunication companies, ang Globe, Smart at Sun at maging ng top exec ng GMA na si Felipe Gozon kasama ang mga iba pang execs ng GMA na sina Wilma Galvante, Butch Raquel at marami pang iba. In case you still don’t know, pwede nang maka-txt ng mga fans ang mga iniidolo nilang stars gaya nina Jolina, Janno, Dingdong, Karylle, Dennis Trillo, Sexbomb, StarStruck Teens, Francis M, Toni Gonzaga, Teri, Raymond Gutierrez, JC de Vera, Gabby Eigenmann at Dino Guevarra. Yes, pwede na silang makipag-bonding sa stars.

Marami pa ring artists ng GMA ang nakipagsaya sa pagdiriwang, tulad nina Karylle, StarStruck Avengers, Sex Bomb, Richard Gutierrez, Eddie Gutierrez and Annabel Rama at marami pang iba. Nagkaro’n ng programa na ang nagsilbing hosts ay sina Jolina Magdangal, Dingdong Dantes at Teri Onor.

Going back to Chynna, sinabi niya na nai-excite siya kay Darna, kung kaya nag-audition siya for the role. Interesado rin siya sa role ni Valentina, ang kalaban ni Darna na pipiliin pa rin ang gaganap matapos na mapili si Darna.

Sinabi niyang nakasama n’ya sa audition sina Rica Peralejo (alam kaya ng ABS CBN ito?), Nadine Samonte, Karylle, Diana Zubiri at iba pa. Sa audition pina-arte sila, pinagawa ng ilang mga action scenes gaya ng paglipad at kung anu- ano pa.

* * *

Bukas magsisimula ang Campus Tour ni Erik Santos sa UP Diliman, Bahay ng Alumni, 7:00 NG. Makakasama niya sina Michelle Ayalde, Kim Flores at Karel Marquez.

Katatapos lamang ni Erik ng Promo Tour ng kanyang album na "This Is The Moment" under Star Records na isa nang Platinum. Kasalukuyan niyang pino-promote ang 2nd single niya mula sa album, ang "Di Ko Kaya" ni Vehnee Saturno.

Tuloy pa rin pala ang pagsama niya sa Night of the Champions kasama sina Sarah Geronimo at Rachelle Ann Go sa Setyembre 24 sa Joseph L. Alioto Performing Arts Piazza, San Francisco. Akala kasi ng marami ay tuluyan na siyang di makakasama sa show dahil marami siyang sariling shows kasama sina Randy Santiago at Rachel Alejandro sa Sydney, Australia at Aiai delas Alas sa Guam.

Dalawang beses din niyang makakasama si Regine Velasquez sa shows, ang Songbird Returns To Malolos sa Set. 4 at sa Laguna sa Okt. 30.

May inihahandang malaking concert niya pagbabalik niya ng Pilipinas.