Lotlot,ayaw ipakiusap ng manager sa press!

Hindi big deal kay Dingdong Dantes kung hindi man siya ang director ng Wag Kukurap, ang twin-bill true-story paranormal horror program ng GMA-7 na papalit sa Kakabakaba Adventures. Ang katuwiran nito, basta sa ikagaganda ng program ay okey sa kanya. Malaki rin naman daw ang participation niya as the continuity host ng program.

"It was offered to me at ako ang tipo ng tao na ‘di namimili ng gagawin. In the future, baka puwede rin akong mag-share ng story," wika nito.

Ang nabanggit na show ay isa lang sa regular show ng actor sa pinirmahan niyang three-year contract sa GMA-7. First time niyang pumirma ng kontrata’t iyong five years na nasa network siya’y hindi siya pumirma ng kontrata. Loyalty sa istasyong nag-build up sa kanya as TV performer lang daw ang kanyang pinairal.

Incidentally, kung nahihirapan ang network sa paghahanap nang gaganap na Darna, sa leading man ay hindi dahil si Dingdong na ‘yun. Siya si Rico, ang love interest ni Darna.

* * *

Isang Indian national pala ang girlfriend ni Geoffrey Eigenmann. Sheeva Zarechian daw ang panglaan nito’t nag-aaral sa Assumption College. Ang kwento sa amin, three years na ang relasyon ng dalawa at mommy na nga raw ang tawag nito kay Gina Alajar.

Naalala namin, "mommy" din ang tawag ni Karen delos Reyes kay Gina noong very close pa sina Karen at AJ Eigenmann pero, sabi ng source namin, iba itong kina Geoff at sa gf nito.

Anyway, nakilala’t naka-relasyon ni Geoff ang gf noong hindi pa siya sikat at ‘di pa Globe pre-paid card endorser. Malinaw na hindi ang popularity ng actor ang habol nito.

Siyanga pala, marami ang kinikilig sa love team nina Geoff at Heart Evangelista sa Hiram. Bagay daw ang dalawa’t may chemistry kaso, pareho na silang taken, kaya malabong mauwi sa totoo ang kanilang tambalan.

* * *

Hindi ipina-interview ni Angge si Lotlot de Leon sa presscon ng Feng Shui. After the general presscon, ipinagpaalam ni Angge ang kanyang talent na magbabanyo lang sandali’t babalik din para sa hininging interview ng ilang press people. Pero, hanggang natapos ang presscon, hindi na nagbalik si Lotlot.

Kahit masama ang loob ng press na pinangakuan ni Angge na ipapa-interview si Lotlot, idinaan na lang nila sa biro ang nangyari. Sobrang malayo raw ang CR ng 14th floor ng EJL Communications Bldg. at hindi na nakabalik si Lotlot.

Obvious na iniwas ni Angge na matanong si Lotlot sa balak na pagpa-file (o nakapag-file na) ng annulment para mapawalang-bisa ang kasal nila ni Ramon Christopher. Sa ginawa ni Angge, nawalan ng chance si Lotlot na ipaliwanag sa press ang gagawin niyang hakbang.

Nagtataka lang ang press dahil pinayagan ni Angge na mag-guest si Lotlot sa Kontrobersyal, tapos sa print media ay ayaw niyang ipa-interview. Nag-guest na rin si Lotlot sa ibang TV show na tungkol din sa kanila ni Monching ang topic kaya, hindi talaga maintindihan ng press kung bakit pinigilan ng kanyang manager si Lotlot na makipag-usap sa kanila.

Ang nangyayari tuloy, ang side ni Monching thru’ Pilita Corrales ang lumalabas dahil game na game ang mommy ng future ex-husband ni Lotlot na sagutin ang bawat itanong sa kanya tungkol sa pagkasira ng pagsasama ng anak at ni Lotlot. May sinabi pa si Pilita na hindi siya mauunang mambati kay Lotlot halimbawang sila’y magkita dahil hindi siya binabati nito.

* * *

Pinagtsitsismisan ng mga photographers na nag-cover ng Understatement Bench Denim & Underwear Show ang actress na isa sa mga rumampa. Aninag daw sa manipis nitong suot ang pubic hair at obvious na hindi ito aware na may nakikita sa kanya dahil kampante sa pagrampa nang pabalik-balik.

Hindi raw gumaya ang actress kay Geneva Cruz na nag-shave kaya kahit panay ang angat sa hita habang rumarampa’y walang pubic hair na nakita. Iba nga lang ang nasilip sa kanya na ikinatuwa ng photogs na nasa unahan dahil kanilang nakunan ng litrato.