Ito’y sa episode ng sitcom na Lagot Ka, Isusumbong Kita ngayong gabi pagkatapos ng GMA telenovelas. Bilang Violeta ay mabait si Ara. Pero ang hindi alam ng Brgy. Kuli-Kuli, siya rin pala si Vultra na maghahasik ng lagim sa kanila.
Naging mabuhok ang buong katawan ni Tsong, pumangit si Ric, na kuba si Toto at tinubuan ng boobs si Junior. Nakatakda pa naman silang sumali sa Best Bro competition! Di lang ‘yon, pinataba ni Vultra ang mga seksing sina Toni (Gonzaga) at Alicia "Sussy" Mayer. Plano talaga ng magandang chimay/kontrabida na baguhin ang nasabing barangay.
Panoorin ang Lagot Ka na dinirihe ni Boyong Baytion para malaman kung magtatagumpay si Ara sa kanyang buktot na plano at kung paano mababalik sa dating anyo ang kanyang mga biktima. Ang iba pang members ng Lagot Ka cast ay sina Vangie Labalan, Maureen Larrazabal, Nancy Castiglione, Bearwin Meily, Cogie Domingo, Teri Onor at Rainier Castillo.