Actor, pinagtitiyagaan ng asawang bungangera

Mabuti na lang at edukado ang aktor na ito at napagpapasensyahan ang kanyang misis na aktres na mahilig magtatalak sa kanilang maid. Napapailing na lang ito kapag maingay ang aktres at tumatahimik na lang siya.

Kunsabagay naiintindihan naman ng aktor kung bakit laging nagsesermon ang asawa sa mga maid lalo na kung wala sa ayos ang mga gamit sa sala o kusina.

Nagmana ang aktres sa kanyang ina na bungangera rin ayon sa aking source. Ideal couple ang tingin sa kanila ng mga taga-showbiz dahil hindi naman naiintrigang nag-aaway ang mag-asawa.

Twenty Seven Screenplays Ng Mmff 2004, Naisinumite Na!

Inihayag na ng Metro Manila Film Festival Executive Committee sa pamumuno ng MMDA Chairman at over-all chairman ng film festival sa taong ito na si Bayani Fernando ang 27 screenplays na isinumite ng movie production.

Ito ay ang mga sumusunod: CM Films-Panaghoy, Sa Suba ; Angora Films International, Sa Pagkagat ng Dilim; LGM Production, Wanted: Dead But Alive; Violett Films, Guardia de Honor; Imus Production, Star Walker; Seiko Films Inc., Bikini Open; MLR Films, Minsan Pa; Big Mango Studio Production, Full House; Genesis Entertainment, Anino ni Amanda; Team Work Productions, Once Upon A Life; Maverick Films Inc, Kulas Madulas; Canary Films, Bulong (Spirit of the Glass); Apache Films, Me King; Red Sun Productions, Niño; RNB Films, Pinilakang Tabing; Viva Prods. Inc., Lastikman; OctoArts Films, Enteng Kabisote; ALV Events Int’l, The Ark; Mega Vision Sigaw; MAQ Production Inc., Mano Po 3; Bas Film Prod. Inc. Aishite Masu 1941; Hinabing Pangarap Inc., Mekaniko ni Monica; JMCN Productions Heremias; ABS-CBN Prods. Inc./Star Cinema, Lihim and D Anothers.

Ihahayag ang walong mananalong entries sa Agosto 4, 2004 sa Dulcinea at 2 PM.

Daboy Sa ‘Marinara’

Mula July 30 hanggang Agosto 3 ay may cameo role sa Marinara si Rudy Fernandez. Gagampanan nito ang papel ng isang private investigator na kinuha ni Ronaldo Valdez para mapangalagaan siya laban sa mga assassin.

Makakasama rin nito ang sidekick na si Caloy Alde sa papel na Kismot.