Angelene,concious sa mga boys na kausap niya

Sixteen years old na si Angelene Aguilar. Nag-celebrate siya ng birthday nung July 15 kasama ang kanyang mommy at brother. Isang araw silang magkakasamang tatlo.

At kanyang edad, well endowed na si Angelene, maswerte siyang di na niya kailangan ang tulong ng syensya o sino mang doktor para mapaganda ang kanyang pangangatawan. Pero, kakaiba siya dahil hiyang-hiya siya kapag pinapansin ng tao ang kanyang napaka-lusog na boobs. "Nakakahiya nga po dahil feeling ko kapag kausap ko ang mga boys di sila sa akin nakatingin kundi sa boobs ko," sabing nahihiya ni Angelene na ang sukat ng katawan ay 38-26-36 (cap A). Hindi kataka-taka na napili siyang i-portray ang namatay na si Halina Perez sa TV bio nito. Dito, pinag-shorts siya, tube at mga spaghetti dresses. Okay lang sa kanya ito pero ang kissing scene nila ni Diether Ocampo, sinabi niyang daya lamang.

Marami ang nagsasabi kay Angelene na pwede na siyang magpa-seksi sa movies o maski na sa TV pero ayaw niya. "Baka pag 30 na ako," sabi niyang may pagbibiro. Kasama rin sa pangarap niya ang maging Miss Universe. "Pag 18 na ako, sasali ako sa beauty contest," pangako niya.

* * *

Dalawa sa birthday celebrators para sa buwan ng July ay ang myembro ng Anim-E na sina Mico Aytona at Rayver Cruz. Fifteen na si Rayver nung July 22 at sixteen naman si Mico nung June 22. Napasama ito sa mga July born dahil may taping siya nung magpa-presscon ang ABS CBN para sa mga ipinanganak ng June.

Ang dalawa, kasama ang kanilang grupo ay magsisilbing front act sa Thankful concert ni Gary Valenciano sa August 6 sa Araneta Coliseum.

Bagaman at parehong kumakanta, mas nakikilala si Rayver sa kanyang galing sa pagsasayaw.

Si Mico naman sa kabilang banda ay isa sa ipinagkakapuring singer ng ASAP na kung saan ay muli silang mapapanood ni Rayver ngayon Linggo, sa segment na Full Circle. Naging myembro ng Kundirana si Mico pero, kinailangan niyang iwan ito nang umalis siya ng La Salle at lumipat sa ABS CBN Distance Learning Center.

* * *

Unusual na pangalan ng isang acoustic group ang Couch Act pero, sa pangalang ito gustong makilala nina Botch, Roanne at Xanxan Orial, mga anak ni Engr. Rollie and Deng Orial. Karerecord lang ng tatlo ng kanilang first album na na pinamagatang "Couch Act" at prodyus ni Sherbet Ilacad. Naglalaman ito ng 10 bagong orihinal na mga awitin.

Pinayagan lamang ng kanilang mga magulang ang tatlo na i-pursue ang kanilang dream na maging isang musical group kapag nakatapos sila ng pag-aaral.

Si Botch ay isang civil engineering board topnotcher from UP. Dito rin gumradweyt ng may honors ni Roanne. Si Xanxan ay consistent honor student sa high school..

* * *

Enjoy na enjoy ako nang pinanood ko ang Seriously Funny, ang 44th anniversary concert ng RPN 9 na ginanap ng live nung July 27, 7NG sa Aliw theater. Mapapanood ito sa TV sa Agosto 8, 9NG., sa Sunday’s Big Event.

Dahil ang komedi ay isang malaking bahagi na ng RPN, sa loob ng 44 na taon ay ito ang ginamit nila para maaliw ang kanilang mga manonood sa pamumuno ng John en Marsha na 19 taon na tumagal sa ere, ito ang tema ng anniversary concert na inihandog ng network bilang pagdiriwang ng kanilang anibersaryo.

Mai-imagine mo ba ang isang napaka-seryosong Manila Philharmonic Orchestra na nakikigulo kina Andrew E, Candy Pangilinan, Eugene Domingo, Giselle Sanchez, Toni Gonzaga, Patricia Ismael, Tuesday Vargas, Willie Nepomuceno at maging si April Boy Regino?

I was hoping to see the King of Comedy sa show pero, ba’t kaya di nila siya inimbita? In fairness sa mga nabanaggit na komedyante, nagawa nilang maaliw ang lahat ng nanood sa pamamagitan ng kanilang talento. Si Andrew E. tumugtog ng typewriter, si Toni sinaliwan ng isang napaka-galing na violinist, (no kayang name niya?) ganundin si Ara Mina na pinasikatan ng dalawa ring violinists na parehong may apelyidong Bautista.

Feel ko, sintunado sa show si Ara dahil di siya isang comedian. Si April Boy naman, parang sintunado rin yung pagiitsa ng mga sumbrero.

Marami ang nasorpresa na magaling kumanta si Simang (Eugene) at mahihiya ang mga Hot Babes at iba pang sexy girl groups sa kaseksihan ni Giselle.

Okay din sa akin yung pagsasayaw ni MPO conductor kasama sina Tuesday, Patricia, Giselle at Candy.

It was a very good show, Seriously, and thoroughly, Funny. Marami kayong mami-miss kapag di n’yo ito pinanood sa TV. Promise!!!!!