Mula sa ukay-ukay ang mga isinusuot ng young actress

May nakapagsyete sa akin na mahilig palang bumili sa ukay-ukay ang sikat na young actress. Pero hindi siya ang personal na bumibili nito kundi ang kanyang manager. Meron na raw itong suking tindahan somewhere in Quezon City.

Ang mga damit na ito ay galing sa Tate kaya kapag tiningnan ang aktres ay hindi aakalain na ang kanyang kasuotan ay binili lang sa ukay-ukay.

Magandang magdala ng damit ang aktres at isa ito sa pinakamagandang mukha. Nali-link ito sa kasalukuyan sa isang sikat na aktor na galing sa angkan ng mga artista.

May Tutor Si Bong

Ayon sa isang source ay kukuha pala ng sariling tutor si Bong Revilla Jr. Pagkatapos manalong senador. Ang kanyang unang gagawin ay magpapaturo kung paano magsalita ng mabuti, kumilos ng maayos bilang senador at kung ano ang dapat gawin kapag nasa senado na.

Ayaw Ng Bodyguard

Ngayong nahalal na bilang senador ang ama ni Bryan Revilla, ayaw pa rin nitong magkaroon ng mga bodyguard. Naiilang ang young actor kaya inaming kung siya ang masusunod, ayaw niyang bantayan o samahan ng bodyguard.

Sa kabilang banda, nalungkot si Bryan dahil sa pagkabuntis ni Valerie Concepcion. Naging malapit ang dalawa at nagkapareha pa nga sa Click. Umaasa ang young actor na sana’y malampasan ni Val ang matinding pagsubok na dumating sa buhay at sana’y makabalik pa ito sa showbiz.

Gustong Makabalik Sa Showbiz

Pabalik-balik ng Pilipinas si Dale Villar dahil gusto nitong manumbalik ang sigla ng pag-aartista. Kaya nga sumali ito at nakabilang naman sa 10 second-chance takers sa 30 Days.

Ang pagkaalam namin kay Dale, naghahanap ito ng manager na magha-handle ng career.

Kaya lang hanggang ngayon ay hindi pa rin ito matatas magsalita ng Tagalog. Kaya naman gumawa ito ng paraan para maging matatas sa pananagalog.

Pinakamahirap Na Pagbubuntis

Malaki na ang tiyan ni Sharon Cuneta at sinabing ito na ang pinakamahirap at delikadong pagbubuntis niya. Kaya ibayong pag-iingat ang ginagawa ng megastar.

Na-miss din niya ang kanyang asawa dahil mahigit na dalawang linggo niya itong di nakakapiling dahil naging abala si Kiko Pangilinan sa Canvassing ng Joint Session ng senado at kongreso para sa presidente at bise-presidente.

Enjoy naman ngayon sa pagiging plain husband ang megastar lalo na at narito sa bansa si KC. Ayaw nitong mag-comment tungkol sa masugid na manliligaw ng anak na si Hugo.

Mas Type Ni Ella

Maraming tumawag sa amin at sinasabing mas pabor silang manalo si Ella Guevara bilang ultimate Kiddie Survivor. Mas magaling daw itong sumayaw, umawit kaysa kay Sam Nicole Bumatay.

Natuwa ang mga manonood dahil nakipagsabayan si Ella sa paggiling ni Joyce Jimenez during the contest. Sabi ko naman ay may kanya-kanyang panlasa ang mga hurado at ang mga nagti-text na mas pinaburan ang pagkapanalo ni Sam dahil sa pagiging bibo nito.