Mas marami nang choices sa Dos sa Australia

Simula noong ika-1 ng Hulyo, anim na Pinoy channels na ang mapapanood ng mga Pilipino sa Australia sa pamamagitan ng TFCDirect! na ilulunsad ng ABS-CBN. Sa naturang direct-to-home service ng ABS-CBN Australia Pty. Ltd., isang wholly-owned subsidiary ng ABS-CBN Global Lt., lang The Filipino Channel (TFC) ang mai-enjoy ng ating kababayan, kundi pati na ang mga sumusunod pang premyadong mamamahayag.

ABS-CBN News Channel (ANC). Ang kauna-unahan at natatanging 24-hour news network sa bansa na nagbibigay ng mga balita mula Metro Manila hanggang sa kasuluk-sulukan ng Pilipinas, hatid ng mga beterano at pinagkakatiwalaang mamamahayag.

Cinema One Global. Isang non-stop festival ng mga pinakasikat na artista at ng kanilang pinakamalalaking pelikula, mula sa mga pinakatanyag na film producers ng bansa tulad ng Star Cinema, Viva at Regal Films.

Pinoy Central TV. Di na mahuhuli ang mga Pinoys sa Aussie dahil mapapanood nila ang kinababaliwang Meteor Garden at PBA dito sa PCTV, bukod pa sa mga makasaysayang coverage ng mga sports events, travel at mga programa mula sa iba’t-ibang probinsiya sa bansa.

DWRR For Life. Makakakumustahan na ng mga Pilipino sa Australia ang kanilang mga minamahal sa Pilipinas dahil kasama sa TFCDirect! package ang paboritong FM station sa Pilipinas na may most requested hits na, may OPM classics pa!

DZMM Radyo Patrol. Ang no. 1 AM station na naghahatid ng live coverage ng pinakamalalaking balita at police reports mula sa mga brodkaster na subok na, maaasahan pa.

Sa kasalukuyan, natutunghayan ng mga Pinoys sa Aussie ang kauna-unahan at natatanging all-Filipino news and entertainment network sa labas ng Pilipinas – ang TFC na katatapos lamang na magdiwang ng sampung taong serbisyo sa Pilipino sa buong mundo.

Ayon kay Wilhem lck, Managing Director ng ABS-CBN Australia, upang patuloy nilang ma-enjoy ang TFC, at ngayon pati na ang lima pang channels, mapapanood ng mga existing at new subscribers ang TFCDirect! nang libre hanggang September 30. Hindi rin sisingilin ng upfront equipment fee ang mga dati nang TFC subscribers na lilipat sa TFCDirect! Pagkatapos ng free subscription sa September, maaari na nilang ma-enjoy ang TFCDirect! bundle sa halagang $29.99 (+GST) lamang.

Ang TFCDirect! channels ay kasalukuyang napapanood ng humigit-kumulang isang milyong Pilipino sa buong mundo sa pamamagitan ng ABS-CBN International sa North America, ABS-CBN Middle East FZ, LLC, ABS-CBN Europe SpA at ABS-CBN Global sa Manila. Para sa karagdagang impormasyon ukol sa TFCDirect! Australia, maaaring tumawag ang mga kababayan natin sa Australia ng toll free sa 001.800.2270.0722.