Kristine Hermosa, feel maging gf ni Cong. Escudero

Nag-resign pala as ABS-CBN Vice President for News and Current Affairs si Atty. Dong Puno kahapon. Pero hindi naman daw ito nag-resign as host ng Dong Puno Live na napapanood every Thursday.

Ayon sa source ng Baby Talk, hindi pa nila alam ang rason except sa issue na baka may ipapasok na tao si Kabayang Noli de Castro na ngayon ay bise presidente na.

Ang nasabing position kasi ang iniwan ng asawa ni Kabayan na si Arlene de Castro.

* * *

Ayaw i-reveal ng production ng GMA 7 kung magkano nilang nabili ang rights ng America’s Funniest Home Videos. Hindi raw nila alam kung magkano.

Since binayaran nila ang rights, ita-tagalized nila ang mga America’s funniest video. Mas nakakatuwa palang panoorin pag na-dub na ng Tagalog at si Michael V. pa ang nagda-dub. Example ‘yung pinapanood nila sa launching ng show last Wednesday afternoon. Hagikgikan sa tawa ang mga nag-attend.

Dahil local na ang dating ng show, ginawa nilang Bitoy’s Funniest Videos ang title.

Iba-ibang character ang gagawin dito ni Michael - six characters at kailangan niyang mag-disguise para makalabas siya at makakuha ng materials para sa show. Yes, lalabas din siya para mag-pretend like jeepney driver, commuter, janitor etc.

"Mas exciting ang show na ‘to," he said. Mga staff din ng Bubble Gang ang kasama niya rito kaya riot din.

Iba’t iba ang segments ng bagong show ni Bitoy. Nandiyan ang "Yari Ka," "Mirror, Mirror On The Wall," "Take 2 Tayo" at "Bitoy On The Road" - ito nga yung iba’t ibang disguises na gagawin ni Bitoy para hindi siya makilala ng mga tao sa labas.

At hindi lang kasi siya host sa show, siya rin ang writer, creative director, consultant, lahat-lahat na actually.

Pahinga muna ang character dito ni Junie Lee sa bagong show niya. Ang feeling kasi ni Michael, very familiar na ang character ni Junie Lee at panahon na para magpahinga ito.

Kaya naman sa Bitoy’s Funniest Videos, mami-miss natin si Junie Lee.

Anyway, si Michael V na yata ang mako-consider na busiest comedian to date. Bukod kasi sa TV shows niya sa GMA na halos hindi na mabilang, magkakaroon pa siya ng major concert sa Araneta Coliseum.

Pero nag-deny siya sa issue na siya ang highest paid comedian.

"Hindi naman, tama lang naman ‘yung kinikita ko para sa pamilya ko, hindi totoo yun ha!"

Speaking of family, sa rami ng trabaho niya, priority pa rin ni Bitoy ang pamilya niya. In fact, pag matagalan ang make-up sa kanya sa isang portion ng Bitoy’s Funniest Videos, sa bahay na siya nagpapa-make up. At least daw pag nasa bahay siya, nakikita siya ng mga anak niya. "Mas gusto kong napapanood ako ng mga anak ko during work. At least, kapag nasa bahay ako, naisisingit ko ‘yung maglaro kami at mag-usap-usap. Importante pa rin kasi ang pamilya ko above anything else. Naiintindihan naman ‘yan ng GMA at alam nilang priority ko ang family ko. More than sa kinikita ko, my family is more important."

For him kasi, kahit anong dami ng trabaho iba pa rin ang pamilya. At ayaw niyang i-sacrifice ito in favor of his career.

At any case, ngayong gabi na ang premiere telecast ng Bitoy’s Funniest Videos, 6:30 PM sa GMA 7.

* * *

Pag pera pala ang pag-uusapan, nagkikislap ang mata ng actor na ito. Sobrang wais daw - kahit alam niyang makakalamang sa kapwa basta kikita siya, walang pakialam kahit pa sino ang kausap niya.

Actually, marami na raw itong mga kaibigang nagrereklamo dahil sa pagiging tuso pagdating sa money. Hindi nga lang daw nasusulat dahil totoong mayayaman ang ‘nabibiktima’ niya kaya nanahimik na lang at binabaon na lang sa limot ang nawalang pera.Well, andiyan lang siya sa tabi-tabi. Nakikita natin siyang malimit. Hanggang do’n lang muna ang clue dahil mahirap na baka bukas lang ay may subpoena na ako.

* * *

Crush na crush pala ni Rep. Francis Escudero si Kristine Hermosa. ‘Yun nga lang, hanggang admiration na lang ang puwede niyang gawin dahil married na ang bagets na kongresista. Ang okey lang, kapangalan ng actress ang wife niya. Kaya nga raw nagbibiro si Cong. Escudero na walang problema in case na maging girlfriend niya ang actress dahil Kristine nga ang name ng wife niya ayon sa source ng Baby Talk.

Anyway, agree ako sa observation ni Ms. Ethel Ramos na may potential na maging presidente ng bansa si Cong. Escudero.

Ang galing niya kasi during the canvassing sa congress. Sobrang galing. Cool at ok makipag-debate - parang walang effort. Hindi siya puwedeng i-compare sa mga matatandang politician doon na nagpapapansin at nagkalat sa canvassing sa congress.

Kaya niyang makipagsabayan kahit kanino. Magaling siyang makipag-debate - Tagalog or English.

Again, agree ako sa sinabi ni Ms. Ramos na siya ang naging superstar sa katatapos na election kahit no’ng time na spokesperson siya ni Fernando Poe Jr. of KNP.

Sana nga ngayong tapos na ang election at canvassing, maging visible pa rin siya sa TV - magkaroon siya ng sariling show - political show dahil I’m sure, kayang-kaya niya ‘yung i-handle.

Nabasa ko sa isang article na bata pa lang, pangarap na ni Francis na maging politician. After he graduated ng Political Science sa University of the Philippines, gusto na niyang tumakbong councilor. Pero pinigilan siya ng tatay niya at pinakiusapang mag-abogasya. Sinunod niya. He took up law at after that, gusto na niyang tumakbong mayor. Pero pinakiusapan na naman siyang mag-pursue ng post-graduate studies ng law. Sinunod na naman niya.

Pero nang matapos ang term ng father niya as congressman, do’n na-realize ni Francis na ito ang pagkakataon niya.

Ngayon isa na siya sa most promising legislator at sigurado akong magiging presidente siya ng bansa.