Matuloy pa kaya ang awards night ng FAP; Naglalayag, tinanggal sa Cinemanila

Disappointed daw ang mga producer na kasali sa isinasagawang Manila Film Festival dahil mahina ang kita ng anim na pelikulang kasali - Volta, Kulimlim, Sabel, Naglalayag, Mano-Mano 3 and Anak Ka Ng Tatay Mo.

Below expectation daw ang kita as in umabot lang sa almost P2 to 3 million ang kita sa first day of showing ng mga nasabing pelikula.

Sabi ng isang insider ng MFF, maging sila ay disappointed sa kita ng mga pelikulang kasali.

Kulelat ang movie ng anak ni Senator Revilla, si Ram Revilla dahil hindi agad ito naipalabas last Wednesday dahil daw sa technical problem. Kahapon lang ito finally naipalabas kaya kailangan pang magbayad ng multa ng Magsaysay Productions sa mga sinehan dahil nga hindi agad ito nakapagbigay ng copy ng pelikula.

Ang pelikula raw naman ni Ronnie Ricketts na Mano Mano 3... ay walang ending as in nasabotahe raw ang pelikula kaya hindi nilagyan ng ending.

Hindi na rin naayos dahil sa technical problem din.

Hindi lang sa City of Manila palabas ang mga pelikulang kasali sa MFF, pero mahina pa rin daw. Isang friend ko ang nanonood ng Shrek sa Megamall. From there tumawag siya kung kasali ba sa festival ang Megamall dahil palabas daw doon ang nakita niyang movie sa MFF. I said yes. Pero sad to say, according to my friend, wala man lang daw kapila-pila as in mabibilang mo lang daw ang mga taong pumapasok sa sinehan.

Ang feeling ng ilang taga-movie industry, aside from malayo pa ang suweldo kaya walang budget na pampanood ng sine ang karamihan, nag-iipon daw ang karamihan sa showing ng Spiderman next week.

Well, sana nga, this weekend, magbago ang kita ng mga pelikula. Sana mas maraming manood para naman hindi ma-discourage ang mga movie producer na gumawa ng pelikula.

As of yesterday, nangunguna na raw ang Sabel starring Judy Ann Santos habang nakikipaghabulan ang Volta ni Ai Ai delas Alas at Kulimlim ni Robin Padilla.

Sigurado ring magbabago ang figure pagkatapos ng awards night on June 28 sa Aliw Theater.

Malakas ang laban ni Robin Padilla bilang best actor base sa mga movie critic na nakapanood ng Kulimlim. Sinabi rin nilang hahabol sa pagka-best actress si Tanya Garcia dahil talaga raw mapapansin ang acting dito ng actress.

* * *

Ilang tulog na lang at Film Academy Awards na! Pero hanggang ngayon ay hindi pa rin daw nasi-settle ni Albert Martinez ang problema sa pina-plano niyang maambisyong awards night ng FAP on July 3 sa Cultural Center of the Philippines. Kahit daw invitation ay hindi pa nakaka-distribute.

Ang nangyari pala no’n, nagkaroon ng problema si Albert at ang supposedly partner niya sa binuo nilang kumpanya para sa nasabing event.

Nang may maibigay daw kasi na financier, hindi raw ipinasok ni Albert sa company na supposedly ay binuo nila ni Gelo Serrano na IMPACT. So nang magtanong daw ang grupo ni Gelo kung bakit hindi nag-declare si Albert ng P1.5 M na bigay ng isa nilang partner, do’n daw nagsimula ang gulo dahil sinabi na ni Albert na inilagay na lang niya sa sarili niyang company na itinayo rin niya.

Ganoon daw kagulo ngayon ang organizer ng gaganaping FAP Awards night.

Paano na matutuloy ang maaambisyong awards night na ito ngayong may ganyang gulo?

Paging FAP Chairman Leo Martinez, bakit hindi kayo kumilos habang maaga pa? And Albert Martinez too!

Come to think of it pareho pa pala silang Martinez. Magkamag-anak ba sila?

Kakaloka, katatapos lang ng hindi masyadong kagandahang resulta ng MFF ngayon naman mukhang ang FAP ang magpa-F(L)AP?

Matutuloy pa kaya ang FAP awards night?

* * *

Star for a Night first runner-up Mark Bautista has indeed gone a long way in show business.

Mula sa pagiging plain looking cash-trapped na nakisakay sa isang cargo ship from Cagayan de Oro para makasali sa Viva TV talent search hosted by Regine Velasquez, masasabing malayo na ang narating niya bilang promising young balladeers sa loob lang ng isang taon.

Kabi-kabila ang schedule niya as in hindi na lang pagkanta ang ginagawa niya, abala na rin siya sa acting, concert performing and endorsing a major product.

Regular siyang napapanood sa Sarah, The Teen Princess, where he appears as Sarah Geronimo’s love interest.

Idagdag pa rito ang new TV ad nila ni Sarah for Jollibee at ang upcoming concert, aptly billed Night of the Champions, slated July 3 at the Araneta Coliseum.

Bukod dito, kasali rin si Mark sa kauna-unahang Mang Levi Songwriting Competition kung saan ang "Baliw," his debut album’s carrier single ay isa sa mga finalist.

"First time ko pong sumali sa ganitong songfest, so it’s a bit scary. But I’m really looking forward to the lessons I’d learn from the experience," Mark said.

Also, Viva Records has just released the second single of his album, "Ako’y Maghihintay," na duet nila ni Sarah.

"Sobrang blessed po talaga ako. Napakaraming magagandang breaks ang dumarating sa akin lately, thanks to Viva Artists Agency and Ma’m Veronique del Rosario-Corpuz. Siyempre, nakakanerbiyos din dahil alam kong malaking responsibility ito para sa akin. Pero positive ako na makakaya ko ang lahat at lalo ko pang pagbubutihan ang pagtatrabaho sa tulong na rin ng Diyos," said Mark.

"Like his grandfather, I told him not to settle for the security of defeat. He should work hard to reach his dreams. He made me very proud when he won in SFAN," dagdag naman ng tatay ni Mark.

* * *

Hindi raw pinayagan ng local government ng Makati na makasali sa gaganaping Cinemanila International Film Festival ang latest movie ni Nora Aunor na Naglalayag. Ayon sa source, ‘umiiyak’ daw ang manager ni Ate Guy na si Nory Sayo sa nangyari dahil alam nilang de-kalidad ang pelikula at kayang makipagsabayan sa ibang pelikulang kasali sa Cinemanila.

Pulitika raw ang rason ng pagkakatanggal ng pelikula ni Ate Guy - ang pagiging GMA supporter daw ang rason kaya hindi pinayagang makasali ang movie ng superstar na kasalukuyang palabas sa isinasagawang Manila Film Festival. "Common knowledge kasi ang pagiging FPJ ni Mayor Binay," sabi ng source.