Ayon pa kay Ms. Ida, napakabait na bata ni Valerie at isa siya sa inaalagaan ng Artist Center, nagkataon lang na na-in love talaga ang bagets kaya nasa ganun siyang kalagayan.
"Hindi lang naman si Valerie ang may ganung problema, di ba? Marami rin tayong alam, it just so happened na hindi namin ito itinago, aaminin naman talaga namin ito, we have no plans na itago kasi hindi rin maganda," dagdag pa ni Ms. Ida.
Pangako rin daw nila kay Valerie na kapag nakapanganak na ito at gusto pang bumalik sa showbiz ay welcome ito at buong puso nilang tatanggapin dahil mahusay naman itong artista.
Non-showbiz ang boyfriend ni Valerie at pamangkin ito ni Ali Sotto na mommy ng namayapang si Miko Sotto na very much willing naman daw panagutan ng pamilya ng lalaki ang nangyari kay Valerie, yun nga lang, mukhang hindi pa mauuwi sa kasalan dahil menor de edad ang youngstar, 16 years old.
Samantala, hindi pa nagpapainterbyu ngayon sa press si Valerie dahil may mga inaayos pa raw bukod dito ay galit ang magulang ng bagets.
Dagdag pa na si Valerie raw ang breadwinner ng pamilya kaya’t ganun na lang daw ang tampo ng pamilya nito.
– REGGEE BONOAN