VJ o "video jock" ang papel ni Sandara sa Sandara’s Romance, kung saan ipakikilala tayo ni Sandara sa ilan sa mga pinakasikat na chinovela sa buong Asya ngayon. Mga hit na titulo mula China, Korea at Taiwan ang masisinayan natin sa Sandara’s Romance, kabilang na ang mga bagung-bagong chinovela na Four Sisters, Fantasy at Farewell Firely. At dahil nga mula rin ito sa network na nagpauso ng Meteor Garden, ganun rin ang aasahang ganda ng kwento at "kilig factor" ng mga manonood sa mga chinovela ng Sandara’s Romance, na meron ding mga elemento ng drama, komedya, musika at family values na siguradong kagigiliwan ng lahat.
Unang offering ng Sandara’s Romance ang Fantasy, isang kakaibang kwento ng isang bulag na dalaga na nakahanap ng inspirasyon mula sa kanyang ideal guy. Pangunahing artista ng Fantasy si Michelle Saram, na kilala ng lahat bilang si Yesha ng Meteor Garden 2.
Abangan ang mga kakaibang sayang idudulot ng Sandara’s Romance, na magsisimula ngayong Lunes.