Willie,nililigawan na naman ng ABs CBN ?

Magkasama pala sina Jennylyn Mercado at Ram Revilla (kapatid sa ama ni Bong Revilla, Jr.) sa Circle of Ten at kung nagpatuloy nga lang si Ram, ay malamang na isa rin siya sa nag-audition sa StarStruck last year.

"Kami-kami po nina Jennylyn, Rainier Castillo, Dion Ignacio ang magkakasama no’n, tumigil lang ako, sayang nga," bungad ni Ram during the presscon of Anak Ka ng Tatay Mo.

Inamin din ni Ram na crush niya si Jennylyn noon, pero hindi niya ito maligawan dahil may boyfriend itong nagngangalang Patrick ba sumali naman na Pop TV Idol ng ABS-CBN, bago si Jigs na myembro ng banda.

Kaya nu’ng naglalabasang may anak na si Jennylyn ay hindi naniniwala si Ram dahil matagal nga niya itong kilala.

At dahil pag-aari na ng mama Genelyn Magsaysay-Bautista ang Magsaysay Films ay iko-consider daw ni Ram si Jennylyn sa mga next projects niya.

Samantala, masaya si Ram dahil first venture palang ng movie outfit nila ay napasama na ito kaagad sa Manila Film Festival at excited na siyang sumakay ng float na rati’y nakikinood lang siya.

Action/drama ang istorya ng Anak Ka Ng Tatay Mo na ayon kay Ram ay challenging para sa kaniya lalo’t si Albert Martinez pa ang ka-eksena niya mula sa direksyon ni Edd Palmos.

* * *

Gaano kaya katotoo na muling nililigawan ng Dos si Willie Revillame para bumalik sa MTB?

Pero tila pinigilan ni Mr. Tony Boy Cojuangco si Willie dahil maglalagay din daw ng noontime show ang ABC 5 at si Willie ang main host.

If ever na may offer nga uli ang Dos kay Willie ay naloloka naman kami dahil matapos nilang tsugihin ito ng ilang beses ay heto’t aalukin muli?

Say naman ng taga-Singko ay kasalukuyan din silang naghahanap ng mga taong bubuo ng concept ng programang itatayo.

* * *

Nagtataka ang Alpha Records kung bakit hindi gaanong napo-promote sa TV ang first album ni Eddie Gil sa kanila, parati lang daw sa ABS-CBN nakikitang lumalabas ang natalong presidential candidate gayung wala naman itong exclusive contract dun.

Inalam daw ng taga-Alpha Recording kung bakit hindi ito naige-guest sa GMA 7 para sa promo ng Pelukang Itim na malakas ngayon sa radyo at nalaman daw na naniningil ng twenty thousand per guesting ang kampo ni Eddie Gil na ikinaloloka raw ng Siyete.

Honorarium lang daw ang pwedeng ibigay kapag promo, at hindi afford ang hinihinging talent fee. Pinagsabihan daw ng taga-Alpha Records ang kampo ni Eddie Gil na hindi dapat maningil kapag nagpo-promote ng album dahil hindi pa ganu’n kalaking singer ang naturang nuisance candidate. – Reggee Bonoan