Bestfriends sina Aiai,Uge at Wenn

Ngayong gabi ay magkakaalaman kung sino ang tunay na king of Acoustics sa pagitan nina Nyoy Volante at Paolo Santos. May back-to-back concert ang dalawa na pinamagatang "Acoustic Freedom", isang acoustic showdown. Naging isyu pala sa mga followers ng dalawa kung sino ang deserving sa nasabing title at kung sino ang mas may malawak na following.

Pagdating sa acoustic music, walang duda na sina Paolo at Nyoy nga ang pinakamahusay. Kahit sa paggawa ng original acoustic music, parehong skilled sina Paolo at Nyoy.

Kahit si Jimmy Bondoc ay hindi masasabing best sa nasabing brand of music. Minsan ko na siyang napanood and sad to say, he’s a disappointment. But in the ocassions I’ve seen Nyoy and Paolo, talagang humanga ako sa dalawang acoustic performers.

Ang "Acoustic Freedom" ay magaganap ngayong gabi, 7:30 pm sa Plaza Cinema, Lores Country Mall sa Antipolo City. Special guest ang Akafellas at Mannos. Mabibili ang tickets sa Plaza Saver’s Mart. Prodyus ito ng Etc.

* * *

Sa Linggo, June 13 na ang lipad ng ABS-CBN delegates na dadalo sa Promax Award 2004, isang international award-giving body on broadcast design and creative promotions. Gaganapin ang awarding ceremonies sa New York City with 77 countries competing.

Ang ABS-CBN ang tanging broadcast company na nakapasok sa finalist level ng nasabing international competition. Limang entries ng ABS-CBN ang finalist sa iba’t ibang categories. Ito ay ang "Kapamilya Drama Omni", "Kapamilya Variety Omni", "Kapamilya Talk Omni", "50 Years Station ID".

Ang Promax Awards 2004 ay ‘sing prestihiyoso ng New York TV Festival kung saan madalas ding nananalo ang ABS-CBN.

This year, bilang kinatawan ng Pilipinas, ipadadala ng ABS-CBN sina Creative Communication Management Vice-President Cindy de Leon, Sales & Marketing Assistant, Vice-President Lawrence Tan, Global Assistant Vice-President Jeff Remigio at TV Promotion Specialist Trina Sanchez.

Si Trina ay isa sa mga brilliant mind sa CCM ng ABS-CBN at responsable sa mga TV plugs ng drama shows ng network.

Dalangin ko na maiuwi ng mga kababayan natin ang nasabing karangalan para lalo pang kilalanin ang Pilipinas sa broadcast design and creative promotion sa buong mundo.

* * *

In real life pala ay bestfriend sina Aiai delas Alas, Wenn Deramas at Eugene Domingo. Kaya kapag may project ang isa, tiyak na kasama ang dalawa. Isa ito sa nakakatuwang katangian ni Eugene o mas kilala sa showbiz bilang Uge.

Sa mga hindi nakakaalam, graduate si Eugene sa University of the Philippines. Sa teatro siya nagsimula. Dito nahasa ang kanyang husay both drama and comedy. At dahil mas nagklik sa comedy, dito na nalinya si Eugene. Si Derek Wenn din ang nakakita ng potential ni Eugene kaya in most of his project whether film or television, join si Eugene.

Sa telebisyon, cast si Eugene ng Marina. She plays Lorelei na may susi sa isang lihim. Kasama siya sa Ang Tanging Ina, The Series bilang Rowena, kaibigan ni Ina (Ai Ai).

Sa pelikulang Volta she plays Nancy, kaibigan ni Perla (Volta). Nagtatrabaho sila sa isang dress shop. Kasama siya sa all-time highest-grossing movie na Ang Tanging Ina.

"I’ve always been fascinated by film and television," sabi ni Eugene. "Feeling ko ito talaga ang mundo ko. Kaya nga kapag may ipinagkakatiwala sa aking role si Direk Wenn or my producer, I give it my best."

Sa tagal na kaibigan ko si Eugene, hindi ko man lang naitanong kung may asawa’t anak na siya. At, dedma na! Basta ang importante, everytime na mapapanood ko siya sa TV o pelikula, lagi akong natatawa! At sumasaya!