Aabot pa ng Setyembre ang Marina !

Nagpatawag ng presscon ang ABS-CBN Talent Center para sa anouncement ng inclusion ng kanilang mga artistang babae sa iba’t ibang teleserye ng network. Natuwa ako nang malaman ko na kasama si Camille Prats sa mga nasabing artista. Kasama na si Camille sa Basta’t Kasama Kita.

Yes, join na ang dalagang aktres sa Robin Padilla-Judy Ann Santos teleserye. Ayon kay Camille, she plays Ming Lao who is a martial arts expert.

"May twist sa role ko," sabi nito. "Kaya ngayon, I am undergoing training sa martial arts. Excited na ako sa role ko sa BKK."

Inamin ni Camille na masaya siya sa pagkakasama niya sa Basta’t Kasama Kita. Aniya, simple lang naman ang gusto niya. "Yung magkaroon lang ako ng teleserye. Hindi naman ako nag-demand na bigyan nila ako ng solo show. Ibang tao ang may gusto no’n hindi ako."

Okey lang kay Camille na mapasok sa BKK kahit nga ilang buwan na lang ang itatagal nito sa ere. "Bale 3 to 4 months pa. Hanggang ending na nila ako mapapanood. Okey na sa akin yon. Kasama ko naman sina Ate Juday at Kuya Robin, e."

* * *

Painit nang painit ang kwento ng Marina. Exciting ang episode nitong mga huling araw. Sa episode noong Lunes, nagsimula nang tamaan ng sumpa si Luna (Meryl Soriano) at bigla ang kanyang pagtanda. Bigla rin ang pagkawala ng buntot ni Marina. Isang pangyayari ito na hindi maipaliwanag ni Marina. Isang matinding pangyayari ang magaganap kay Luna. Marami tuloy ang nagtatanong kung nakatakda nang mamatay si Luna.

Exciting ang pagpasok ni Luz Fernandez bilang Tandang Ela sa Marina. Siya ang tunay na ina ni Dugong. Napakahusay pa rin talaga ng isang Luz Fernandez. Hindi talaga pwedeng tawaran ang kahusayan ni Luz bilang aktres.

Hindi na talaga maawat ang Marina bilang numero unong fantaserye sa telebisyon. Alam n’yo ba sa pinaka-latest na survey, nakakuha ang Marina ng 49.9% rating. Yes, halos umabot na ng 50% ang rating ng Marina.

Hindi na ako magtataka kung one of these days ay umabot na ng nasabing porsyento ang rating ng Marina. Para sa kaalaman ng lahat, extended hanggang September ang Marina.

* * *

Kahit nagpapaseksi, may limitations pa rin si Cherry Lou. Gusto niya na respetado pa rin siya ng tao kahit sexy ang image niya. Kahit nga sa grupong Showgirls, si Cherry Lou ang masasabing pinaka-conservative.

"Hindi ako pwedeng mag-all the way," sabi nito. Sa group naman namin, walang nagu-all tha way, eh. Hanggang paseksi lang talaga. At saka, may talent naman akong ipakikita."

Hindi makakalimutan ni Cherry Lou yung incident kung saan may tumawag sa kanya para tanungin kung magkano ang fee niya para sa isang stag party.

"Sabi ko sa kanya, ‘Baka ikaw ang bayaran ko!’" kwento ni Cherry Lou. Dagdag pa niya, "We are here to entertain pero kapag ikaw pa yung mabastos, nakakasama na yon ng loob."

Ready na rin siya na maging daring sa pelikula. But then again, may limitations pa rin. Hindi pa raw niya kaya ang frontal nudity. Wala pa raw siyang lakas ng loob.

Ibinalita ni Cherry Lou na guest siya sa Basta’t Kasama Kita.

"Excited ako na maging part ng BKK," sabi nito. "Exciting ang role ko kasi part ako ng carnapping syndicate. Ginagawa namin yun para mapagbigyan ko ang luho ko at ng barkada ko."

Sa teleserye, her last stint was in Kay Tagal Kang Hinintay.