K and The Boxer di apektado sa pag-alis ni Glady's

Tuwang-tuwa ang lahat ng sumaksi sa album launch ng Kai & the Boxers na pinamagatang "Sasakyan Kita". Ito rin ang carrier single ng album na ini-release ng Viva Records.

Bukod sa talagang nakakatuwa ang song na isa na namang composition ni Lito Camo ay mas pinasasaya pa ito ng rendition ng tatlong myembro ng grupo, sina Kai Brosas, Daniel Lardizabal at Chris Samonte.

Bagaman at kasama pa rin sa larawan sa album ang kasama nilang si Gladys Reyes, nagpaalam na ito sa kanila at sinabing gusto nang magsolo. Nagpapasalamat naman ang grupo na di sila naapektuhan nang pag-alis ng kanilang dating kasamahan.

Ang CD Lite ay may tatlong awitin, ang isa ("Sasakyan Kita" )ay isa nang certified hit. Ini-spoof pa nga ito sa Bubble Gang. Ang Dalawa pa ay ang "Hay Naku" at "Mr. Pogi".

Bagaman at inamin ng 3 na pinaka-mataas sa kanila ang TF ni Kai, hindi ito dahilan para magkaro’n sila ng inggitan. After all, si Kai ang star sa grupo having two TV shows (Kakabakaba at Marinara) to her credit plus several guestings sa GMA 7.

May regular gig sila sa Soundstage Cainta tuwing Martes, Klownz Araneta, Wednesdays, Ratsky Malate, Huwebes, Ratsky Morato, Biyernes. Sa Hulyo 23, nasa Quezon Convention Center sila sa Lucena City kasama sina Erik Santos at Angelika dela Cruz.

Matatawagan sila sa Backroom, Inc 43351108, 4351120, 4353808, 4351098,