Movie ni Aga at Kristine,tumabo sa takilya

Naluha si Sheryn Regis sa launching ng debut album niya sa Star Records na ginanap sa Dish sa ABS-CBN. Sa kanyang spiels, naluha si Sheryn nang ikwento niya ang hirap na kanyang pinagdaanan para maabot ang kanyang pangarap na maging isang singer. Inamin ni Sheryn na naging instrumental ang pagkakasali niya sa Star In A Million pagkamit niya ng pangarap.

"Kung walang Star In A Million, siguro nasa Cebu pa din ako at nakatambay," sabi nito.

Impressed ang media na uma-attend sa nasabing album-launch. Performance level talaga si Sheryn. Mapapanganga ka sa ganda ng kanyang boses. Belter talaga ang petite Cebuana singer.

Na-touched si Sheryn nang dumating ang mga ABS-CBN bosses sa kanyang launch. Present sina Eugenio Lopez III, Charo Santos-Concio, Enrico Santos, Nick Gabunana, Lawrence Tan at iba pa. Nag-drop by si Erik Santos para batiin si Sheryn. In full force din ang Star Records people – Annabelle Regalado, Heinz Ngo, Jamie Hipe, Nixon Sy, Joji Mangabat, Jonathan Manalo, Cynthia Roque at marami pa.

Sa 10-cut album, marami ang nagkagusto ng version ni Sheryn ng "Maybe" na siya ring carrier single. Syempre, kasama rin sa album ang winning song niyang "Come In out of the Rain".

Other cuts in the album are "Sana’y Ingatan Mo", "We Could Be In Love" (duet with Johan Escanan), "Sana’y ‘Di Pangarap", "Now More Than Ever", "Shoobee Doo Wop," "Among Gabayan" at ang Marina theme song na "Kailan Kaya".

Come August, Sheryn will represent the country in Voice of Asia singing competition na gaganapin sa Kazakstan. She will be singing the song "Follow Your Dream" na composition ni Vehnee Saturno.

* * *

Tumatabo nang husto sa takilya ang All My Life, ang first screen team up nina Aga Muhlach at Kristine Hermosa under Star cinema. Sa first day ng pelikula, kumita ito ng P10 million. Kaya happy na naman ang atmosphere sa Star Cinema nang mapadalaw ako kamakailan.

Pinag-uusapan ngayon ang ganda ng pelikula. Halos lahat ng mga nanonood ng movie ay naluha. May kabigatan ang pelikula dahil sa kakaibang ending nito. Ako naman, ‘di ko mabilang ang pagkakataon na naluha ako habang pinapanood ang movie. ang husay ng pagkakadirek ni Lauren Dyogi ng pelikula.

Star-studded din ang special screening ng All My Life na ginanap sa Studio One ng ABS-CBN. Dumating sina ABS-CBN bosses Eugenio Lopez III, President Luisito Alejandro, Charo Santos-Concio, Malou Santos, Johnny Manahan, Olive Lamasan, Mariole Alberto, Cathy Ochoa Perez at iba pa.

Halos complete din ang cast na sina Ricky Davao, Dimples Romana, Ces Quesada at Pia Romero. Sumuporta din si Senator-elect Pia Cayetano na close friend pala ni Aga.

Nagbigay naman ng song number si Gary Valenciano. Kinanta niya ang theme song ng movie na "How Did You Know".

Ngayon ay nasagot na ang matagal ko nang gustong tanungin kay Aga – kung bakit siya naluha nang i-preview niya ang pelikula. Bato ang damdamin ng hindi maiiyak sa pelikulang All My Life.

* * *

Sa presscon na ipinatawag ng ABS-CBN para sa Magic Circle of 5 ng Star Circle Quest, nagkaroon ng pagkakataon ang movie press para piliin ang mananalong Darling of the Press. Namigay sila ng balota kung saan each movie reporter will vote their choice sa teens at kids.