Jennylyn Mercado,3 buwang suspendido sa SOP dahil nagtaray

Humingi na raw ng dispensa ang Ultimate Survivor na si Jennylyn Mercado sa staff ng SOP dahil sa ginawang pagtataray two Sundays ago.

Pero maski na nagdispensa si Jennylyn ay tuloy pa rin ang suspension niya sa naturang programa at mag-uumpisa ito after this coming Sunday and it will last for three months.

May birthday celebration pa kasi si Jennylyn sa SOP sa Linggo at matagal nang plano yun kaya after ng selebrasyon ay hindi na muna siya sisipot sa show.

Pero ayon naman sa staff, baka mahilot ang tatlong buwan dahil masyadong matagal, baka raw i-lessen tutal ay na-realize na ng baguhang artista ang kanyang pagkakamali.

"Hindi pa kasi showbiz, hindi sanay kaya’t taklesa pa, hindi niya alam, iba na ang dating sa tao," ito naman ang say ng taga-SOP. – REGGEE BONOAN