Sana nga totoo na nababasa ni Erik Mana ang ating kaisipan upang malaman niya kung ano ang gusto nating mangyari at kunin lamang sa ere ang pera na kinakailangan nating lahat upang mabuhay tayo ng masagana at mapayapa.
Nakilala ko at ng movie press ang magikerong si Erik Mana, isang propesyonal na magician simula pa nung 1980 sa Toronto, Canada na ngayon ay naririto sa bansa upang ibahagi sa atin ang kanyang kaalaman sa magic.
Una itong nakilala bilang bahagi ng isang family illusion show sa Canada hanggang sa maisipan niyang magsolo. Dalawang magician din ang sinamahan niya at nagpalawak ng kanyang kaalaman sa magic. Nag-aral din siya ng hypnosis.
Tatlong taon na sa bansa si Eric Mana. Nakalibot na siya ng bansa at nakikilala nang unti-unti ang kanyang talino. Mayro’n din siyang programa sa umaga sa Wave 89.1.
Ngayon, mapapanood na rin siya sa TV.!
Figment House, Inc, presents Stranger –The Magic of Erik Mana, isang TV special, isang 3 part series na magdadala sa mga manonood sa isang magical journey na gagamitin bilang backdrop ang ilan sa mga magagandang lungsod natin ganundin ang most obscure areas in the country. Ididirek ito ng award winning Canadian film & theater director Alvin Campana. Ang American docu producer and director na si Chip Childers at ang Pinoy producer and journalist Mona Polo ang bumubuo ng production staff nito.
Kung ang kakayahan at talino ni Erik Mana ay gaya nang ipinamalas niya sa amin ni Ian Farinas ng People’s Journal nang una namin siyang makilala, hindi malayong magiging mabilis ang pagangat niya bilang pangunahing magician, di lamang dito sa atin kundi maging sa buong mundo, tulad ni David Blane at David Copperfield ang mga paborito kong illusion artists.
Ang i2i New York ang nagsimula ng eyewear kiosk retailing sa bansa na ginagaya ng maraming kalaban pero hanggang ngayon ay nasa proseso pa rin sila ng panggagaya, ang pagtangkilik ng mamimili ay wala pa sa kanila. Inaasahang iiwan ng i2i New York ang mga kalaban nila ng milya-milya lalo’t may mga bago silang celebrity endorser sa katauhan nina Phoemela Baranda at Piolo Pascual na ngayon ay makakasama na ni Jericho Rosales bilang image models ng i2i New York. Dalawang taon nang modelo si Echo ng i2i New York.
May halos 100 eyewear kiosk ang i2i New York sa Pilipinas, mostly located in major shopping malls in Metro Manila. An average of 10 styles are produced every month and are named after streets in New York.
Ang i2i New York ay nagbibigay ng franchise sa mga probinsya at iba pang key cities. Tumawag sa 6331396 o 6876975 kung interesado kayo.
Nagsimula ang Center sa garahe ng mismong tahanan ng founder at presidente ng CPMP na si G. Butch Albarracin. Ngayon ay may 18 na itong sangay at may extension classes pa sa 30 paaralan.
Ilan sa mga produkto ng Center ay sina Sarah Geronimo, Erik Santos, Rachelle Ann Go, Nina, Nikki Valdez, Josh Santana, King, Heart Evangelista, Yasmien Kurdi, Sexbomb Girls (Jackie Steves at Mariam Obaid), Patricia Ismael, Rufa Mae Quinto, Roselle Nava, Dessa, Geneva Cruz, at apat na gumanap ng Kim sa Miss Saigon.
Ang Center ay 3 ulit nang pinarangalan bilang "Most Outstanding Training School" ng National Consumers Council at Who’s Who in the Philippines. Sa taong ito, nakatala ang Center sa Hall of Fame.
Ang Lakbay Musika-Tala ng Asya ay nasa direksyon ni Jun Gomez at host sina Butch Albarracin at ang anak niyang si Gwyneth Albarracin.