Si Joey de Leon ang host ng Wow Mali for seven years na. Matagal na rin siya sa istasyon pero ayon sa kanya, patuloy pa rin siyang satisfied at excited sa mga developments na nangyayari dito. "Non-stop ang improvement na ginagawa sa Wow Mali. I’m proud to say na, we do it every 3 or 6 months. Hindi kami nagpapakaluma. Lagi kaming up-to-date at laging trailblazer. At saka, active lahat ng tao, from the top honcho to the lowest, nakikisama lahat."
Nabanggit din ng beteranong komedyante na kahit na ginagaya ng maraming mga show ang Wow Mali, hindi pa rin ito kukupas. "Minsan malakas ang gumagaya, pero, we call still claim na sila ang gumaya. Basta, nandito lang tayo."
Kinwento pa nga ng aktor/comedian ang isang pagkakataon na muntik na siyang malunod sa taping ng show sa Matabungkay beach resort sa Batangas. Dapat daw kasi itutulak niya yung bading sa pool kaso nga lang, hawak pala ng bading ang kanyang t-shirt kaya hayun, pareho silang nalunod sa pool. Pero kahit may mga ganitong experiences, masaya pa rin si Joey sa pag-host ng show.
"Just being in a local original show, pride ko na ‘yon e. And it’s fun, lalo na nung nag-change yung format and we got to different places. I was able to see the different resorts. Alam mo, hindi ako mahilig mamasyal dito sa Pilipinas pero dahil sa show e, nagpapasalamat ako at marami akong nabisita. At saka, naging part na ng system ko ang Wow Mali e, mahal ko na siya."
Sa Martes, 8 p.m. panoorin ang Subic adventure ni Joey de Leon sa Wow Mali ng ABC pagkatapos ng 8-Million Chance of a Lifetime Gameshow na PUSO O PERA.