Nadismaya raw ang management ng Dos dahil hindi raw pumalo sa rating ang naturang artista search, kaya’t imbes na magkaroon pa ito ng part two ay naiba na ang plano.
Isa ito sa pinagmi-mitingan ngayon ng mga bossing at headwriters sa Baguio City, bukod pa sa mga programang magri-reformat din.
Isa sa agenda ay ang papalit sa programang Sharon Live ni Sharon Cuneta dahil nag-last taping day na ito last Sunday night at co-host ni Mega si Ariel Rivera at may VTR interview naman si Richard Gomez.
Pangalawa ay ang pagri-reformat ng The Buzz this Sunday dahil maraming segment ang idadagdag at mawawala, balitang iibahin na rin ang stage at titulo.
Pangatlo’y magri-reformat din ang Morning Girls with Kris & Korina dahil natunugan nilang magri-reformat ang katapat nilang Sis nina Janice at Gelli de Belen. — Reggie Bonoan