Umiikot ang mundo ni Maricel sa kanyang dalawang anak

Anak ni Maricel Soriano si Richard Gutierrez sa pelikulang I Will Survive. Okey lang na gumanap siyang ina dito dahil sa tunay na buhay ay may anak na siya binata — si Marron na kasing tangkad din ni Richard.

Zero pa rin ang kanyang lovelife at nadala na siguro ito sa pakikipagrelasyon at umiikot na lang ang kanyang mundo sa dalawang anak na sina Marron at Tien na opposite ang pag-uugali dahil tahimik ang kanyang panganay at bibo naman ang bunso.

Natutuwa ang aktres dahil magkasama uli sila ni Direk Joel lamangan na naging daan para makamit niya ang Best Actress award sa nakaraang Metro Manila Film Festival para sa Filipinas.

Excited ang aktres dahil sing-and-dance ang drama nila nina Dina Bonnevie, Judy Ann Santos, Eric Quizon at Pilita Corrales sa I Will Surviva.

Richard, Bata Pa, Pero Achiever Na!

Si Richard Gutierrez ang tumanggap ng German Moreno Youth Achievement Award ng FAMAS at sa kanyang edad na biente anyos ay marami na itong magagandang nagawa sa kanyang career dahil sa pagiging dedicated sa trabaho. Nahasa na ito sa akting mula sa mga teleserye, sitcom hanggang sa pelikula gaya ng Kuya. Sa Kakabakaba Adventures ay isa itong bampira at maasahan din sa pagpapatawa sa Nuts Entertainment.

Marami rin itong komersyal at isa ring Bench model. Pero ang maganda sa young actor ay hindi lumaki ang ulo niya sa gitna ng tagumpay. Hindi rin naman siya naintriga kahit na-link sa iba’t ibang kapareha.

Ness, Nagulat Sa Bilis Ng Desisyon

Tanggap na ni Alma Moreno ang annulment nila ni Joey Marquez, hindi ito pabor kung totoo ngang P200,000 lang ang matatanggap nilang monthly allowance at isang condo unit. Kulang ito para sa apat nitong mga anak.

Sa kabilang banda ay magkaibigan pa rin sila ni Joey. Nakikiusap si Ness na sana’y huwag gamitin ng kanyang mga kalaban sa pulitika ang problema nito kay Mark Anthony Fernandez na ngayon ay naka-rehab uli.

GMA, Numero Uno Sa Mga Ofws Sa Jeddah

Sa isang survey na ginawa mula Marso 5 hanggang 26 ng Friday Club, isang asosasyon ng Pinoy engineers na nagtatrabaho sa Kingdom of Saudi Arabia, 261 OFW out of 500 Pinoy o mahigit sa 50% ang may gusto kay PGMA.

Naniniwala ang mga OFWs sa Jeddah na sa tatlong taong panunungkulan nito sa bansa ay marami itong nagawa.

Robinson’s Summer Fashion-Music Series

Ang singer-actress na si Champagne Morales kasama ang Lagos (dating Orient Pearl) ay magpi-perform sa ERMS at sa Robinson’s fashion & music jam na tinaguriang Summer Twenty o Four na magpapamalas ng latest summer craze. Host si Richard Signey.

Naka-schedule ang summer event series sa April 23-Robinson’s Galleria; May 2-Robinson’s Novaliches at May 6 sa Robinson’s Place Manila.

Sexy Actor, Itinatago Ang Asawa

May nakakita sa sikat na sexy actor na naka-check-in sa isang sikat na hotel sa Hongkong.

Nakita ng source ko na nasa karatig kwarto ng aktor ito na bago lumabas ng kwarto ay palinga-linga muna at kapag makitang walang tao ay saka ito lumabas kasama ang kanyang asawa. First time niya itong ipapasyal sa Hongkong.

Itinatago ba niya ang kanyang asawa? Common knowledge na naman sa showbiz na may asawa na ito at anak kaya lang bihira pa lang ang nakakaalam. Siguro pinuprotektahan nito ang pamilya dahil sa bold image lalo na at in-demand pa rin ito sa pelikula at mga shows.