Comment lang namin ay hindi naman pala mabenta, bakit tinitipid ang press people sa complimentary tickets? Bakit hindi nila ito ipamigay na lang para mapuno ang 17,000 capacity ng Araneta Coliseum? Or, baka ipamigay ito sa fans para kunwari ay bumenta ang naturang concert?
Nakakasama lang ng loob tinext kami ni Ms. Rikka Dylim para sabihing tig-isang ticket lang ang kaya niyang ibigay for the press dahil 40 tickets lang daw ang ibinibigay sa kanya ng Star Records na kailangan niyang hati-hatiin.
Sinagot namin ang mensahe ni Ms. Dylim na "Huwag na lang dahil mukha naman kaming tanga kung mag-isa kaming manonood" at muli siyang nag-text-back na "I can give you 2 tickets, pero sa tig-750 ka" na kung hindi kami nagkakamali ay sa bandang itaas na ito. Sinagot uli namin na huwag na lang. Text niya uli kung manonood daw ba ang editor namin dahil kung hindi, iyon na lang daw ang ibibigay para sa amin, anong klaseng katwiran yun? At nalaman naming tinawagan nga niya ang editor namin at tinanong nga kung manonood ito?
If ever na 40 tickets nga lang ang ibinigay ng Star Records na siyang producer ng concert ni Piolo, e, mas maganda siguro kung ibenta na nila ng palugi para may kumagat, matapos nilang makuha ang pabor na i-promote ng husto ang suntok sa buwang concert na ito ni Piolo ay hetot pinagdadamutan na ang press people o baka naman may tinititigan at tinitingnan? Reggee Bonoan