Mutya ng Pilipinas,isa nang reality TV series

Ang Mutya ng Pilipinas ay hindi na lamang isang beauty pageant, isa na itong 13-week reality TV series featuring the making of a beauty queen. Pinamagatang Buhay Beauty Queen, naghahanap ang ABC5 ng 35 beautiful ladies na may kumbinasyon ng beauty, intelligence, poise and talent. Para mag-qualify, kailangan Pinay, single, 18-24 years old, at least 5’4" in height, may magandang mukha at katawan, of good moral character at willing mag-undergo ng training before the cameras.

Ang winner ay may chance na maging milyonarya, a beauty queen at a TV star in one. Ang kanilang journey from obscurity to fame ay lalagyan ng score ni Louie Ocampo at mapapanood Abril 12-Hulyo 11 sa direksyon nina Lino Cayetano at Aleah Aliporo.

Naganap na ang unang screening sa Cebu na ang mga judges ay sina ABC exec Mario Locsin, Renee Salud, Ms. Cebu 2002 Melanie Ediza. Sumunod ay sa Davao nung Marso 25.

* * *

Hinding-hindi iiwan ni Aiai delas Alas ang Sing-Galing kahit iniwan pa ito ng bespren niya na si Allan K.

Mahigit five years na siyang host ng show at malaki ang naging tulong nito para siya makilala.

Nire-format na ang Sing-Galing. Bukod sa bagong co-host nito na si John Sweet Lapus ay may subtitle na itong The Trio-Oke Showdown. Bukas, guest sina Melanie Marquez at Madam Auring.

* * *

May bagong talents ang DMV Entertianment na pinamumunuan ni Manny Valera – sina Randolf Gabriel at Apple Aquino, parehong napapanood na sa serye ng GMA na Hanggang Kailan. Si Randolf bilang manliligaw ni Maxene at si Apple bilang bespren ni Maxene.

Nineteen years old si Randolf at masasabing beterano na sa maraming pakontes gaya ng Circle of 10 (winner), SM Starmodel (winner), Boracay Bodies (finalist), Mossimo Bikini Summit (finalist), Mr. Pogi (finalist) at Cosmopolitan 69.

Mataas siya at 5’9", naglalaro ng basketball at magaling magpatawa pero, ayaw ng manager niya na sa larangang ito siya makilala kundi sa drama.

Nakapag-workshop na siya under Erik Matti.

Sixteen years old naman si Apple na unang nagka-commercial nung grade 4 siya. Marami na rin siyang nai-endorse na produkto gaya ng Magnolia Ice Cream at Modess.

Nasa third year high school siya sa isang iskwela sa Pasig.

Drama ang forte ni Apple, madali raw siyang umiyak. Isipin lamang niya ang pagkamatay ng kanyang ama 3 years ago ay tumutulo na agad ang kanyang luha. Pero, bagaman at wala na siyang father, napupunan ang kakulangan nito ng kanyang mga grandparents na tumitingin sa kanilang magkapatid kapag nasa trabaho ito. Her mom took over sa trabaho ng kanyang ama when he died at ito ay pamamahala ng mga pagawaan ng damit.

Sa kabila ng pagiging over-protective ng kanyang mom, pumayag ito na mag-pursue siya ng acting career provided na hindi niya pababayaan ang kanyang studies.

* * *

Family day ngayon sa Mowelfund bilang pagdiriwang ng ika-30th anniversary nito.

Ang mahigit sa 2000 members ng Mowelfund ay nasa venue na simula sa ika-8:00 NU. At 8:30, magkakaro’n ng Misa na susundan ng isang health program gaya ng dental, medical, x-ray, ECG, lab test, atbp. Pinaka-highlight ng programa ay isang Bingo Social. Magkakaroon ng musical numbers.

Imbitado sina Mayor Sonny Belmonte at Vice Mayor Herbert Bautista, Councilors Bernadette Herrera, Neneng Montilla, BH Director Butch Lukban at Ms. Shiela Ubales.

Bilang bahagi rin ng pagdiriwang, magdaraos ng Tiange, Artista at Iba Pa sa Abril 16-17 sa parking space ng Mowelfund .