Vina tinanggihan ang role ni Nancy Navalta sa MMK

Madalas nagwo-work-out si Vina Morales kaya nagkaroon ng muscles sa braso. Dahilan ito para ialok sa kanya ang role ng pagsasadula sa buhay ng atleta na si Nancy Navalta sa Maalaala Mo Kaya. Pero tinanggihan niya ang offer, sobra raw hectic ng kanyang schedule.

Nilinaw ni Vina ang balitang tinanggihan niya ang role dahil sa pagiging maskulado niya.

Sharmaine, Bagay Na Kontrabida

Kumanta sa birthday celebration ng isang kaibigan si Sharmaine Santiago. Maraming nakapuna na bukod sa magaling itong umawit ay magaling pa ring umarte.

Effective ang performance nito bilang anak ni Jackielou Blanco sa Ang Iibigin Ay Ikaw kung saan may pagka-mataray ang role niya. Kaya naman lagi itong nabibigyan ng teleserye ng GMA 7. May nag-suggest na kung magpapa-sexy ito ay madali siyang makakagawa ng malaking pangalan. Tutal bukod sa magandang mukha ay sexy din ang kanyang pangangatawan.

Regular co-host ni Kuya Germs si Sharmaine sa Master Showman Presents.

Tracy, May Superdatung Na Suitor

Naging guest namin si Tracy Torres sa isang birthday celebration ng aming kaibigang si Frank Lao kasama ang manager na si Ed Alcantara. Napuna namin na nagkikislapan ang malalaking bato ng kanyang ternong hikaw at singsing gayundin ang nakapalamuti sa kanyang kwintas.

Napag-alaman namin na mayroon palang superdatung na manliligaw na businessman na talagang nababaliw sa kagandahan ni Tracy. "Pero no monkey business basta’t ini-entertain namin ang manliligaw dahil mabuti naman siyang tao," sey ni Ed.

Bukod sa business, abala ang aktres sa mga out-of-town shows at ramp modeling. Isa siya sa napiling 100 sexiest stars ng FHM calendar.

Raymart, Di Na Mainit Ang Ulo

Napag-alaman namin mula sa isang source na malaki talaga ang nagagawa ng pag-ibig sa isang tao. Laging masayahin at inspirado sa trabaho si Raymart Santiago dahil kay Claudine Barretto.

Nun, kapag mayroong hindi nagustuhan sa script ay nag-iiba ang mood ni Raymart. Pero, ngayon ay palaging malamig ang ulo niya. Nagsimula ito nang matagpuan niya ang babaeng ihahatid niya sa altar. May pagka-palikero rin noon si Raymart pero nang maging nobya si Claudine ay hindi na ito naghanap pa ng iba.

Balak magpakasal ng dalawa sa July 20, 2006 at sabay nilang isiselebrayt ang kanilang birthday, twenty seven years old na si Claudine at 33 naman si Raymart.

Noong una ay gusto ni Claudine na sa isang beach sa Cebu idaos ang kasalan pero ngayon ay na-realize nito na mas solemn kapag magpapakasal sa simbahan.

Ernie, Balik-Showbiz

Naanyayahan kami ng kaibigan kong si Rommel Luna last week sa Guernikas kung saan regular siyang umaawit. Nakita namin at nakausap si Ernie Garcia. Nagnanais pa rin itong magbalik-pelikula dahil magaling naman siyang umarte. Kahit sa telebisyon ay pwede rin siyang lumabas kahit kontrabida.

"Akala nga ng iba ay nasa Amerika na ako at doon na namamalagi pero, narito pa rin ako sa bansa at inaasikaso ang aking negosyo na talent promotions agency na nagpapadala ng talent sa Japan. Nagma-manage na rin ako, alaga ko ang isang baguhang myembro ng Viva Hot Babes. Basta’t may magandang offer ay tatanggapin ko ito," aniya.

Nawawala Ang Young Actor Habang Nasa Syuting Ng Pelikula

Dati ay galit ang isang young actor sa isang director sa pelikula dahil lagi raw siyang kinagagalitan nito at hinihiya sa harap ng maraming tao. Nagtampo ang aktor at sinabing ayaw niyang gumawa ng movie sa director.

Pero may ibang bersyon si direk kung bakit kinagagalitan niya ang aktor. Madalas daw kasing nawawala ito sa set dahil dinadalaw nito ng palihim ang kanyang girlfriend.

Ang young actor ay magaling umarte at myembro ng isang programang pangkabataan.