Sina Mel Tiangco at Mike Enriquez, ang dalawang pinaka-respetado at multi-awarded na news anchor ay maghahatid ng balita sa inyo sa isang napakainit at napakalakas na news program. Sa 24 Oras, iimbestigahan ni Mike ang mga anomalya at katiwalian at bibigyang puso naman ni Tita Mel ang balita. Walang katapat ang kredibilidad ng dalawa. Hindi lang balita ang ihahatid nila kundi pati public service: Tunay na Serbisyong Totoo.
At hindi rito natatapos ang malaking balita.
Sa Saksi Ang Liga ng Katotohanan, makakasama n’yo sina Vicky Morales at Igan kasama ang buong liga ng mga batikang reporter ng GMA na walang kinakatakutan, maihatid lamang ang balita sa inyo: Howie Severino, Susan Enriquez, Jiggy Manicad, Maki Pulido, Tina Panganiban Perez, Sandra Aguinaldo, Raffy Tima, Jay Taruc, Michael Fajatin, Ivan Mayrina at Kara David. Hatid nila ang katotohanan at aksyon: Hindi puro drama at opinion dahil wala nang hihigit pa sa katotohanan.
24 Oras... Dahil Hindi Natutulog ang Balita bago mag-Extra Challenge at Saksi Ang Liga ng Katotohanan pagkatapos ng KiliTV block sa GMA-7 simula ngayong Lunes, March 15.