Himig Handog Love Songs, nasa CD na

Ang ABS-CBN Broadcasting Corporation and Special Projects Division na producer ng katatapos na Himig Handog Love Songs ay humihingi ng paumanhin sa mali nilang pagbanggit ng pangalan sa mga composers during all-star tribute para sa most noted love songs songwriters ng ating bansa at narito ang kanilang pagtutuwid: "Beautiful Girl," "Can We Just Stop and Talk A While," "Please Be Careful With My Heart," "Refrain," "Hahanapin Ko," –music by Jose Mari Chan; "Say That You Love Me," "Tell Me," by Louie Ocampo; "Ikaw" George Canseco; "Narito ang Puso Ko" by Myra Meriales and Gary Valenciano; "Sana’y Maulit Muli" by Gary Valenciano and Angeli Pangilinan Valenciano. Dumalo ang mga nasabing composers sa finals night last Friday.

At kung nabitin kayo sa panonood ng katatapos na Himig Handog Love Songs, at gusto n’yo pang ulit-ulitin pakinggan ang mga paborito ninyong entry songs na compiled sa isang album. Bago pa man kasi ang naturang pa-contest ay ini-record na ito in CD form.

Ang Himig Handog Love Songs album ay malapit nang maging gold record na naglalaman ng sampung kanta: "Bye Bye Na" sinulat nila Ted Reyes at Jeff Antiporda; "Kailan Kita Mamahalin" kinompos ni Arnel De Pano; "Alam Kong Di Ako, Okey Lang" nina Rommel Tuico/Jason Dacua; "Susubukan Kong Muli" konompos ni Jan Lopez; "Last Love Song" composer Ron Jansen Solis; "Kailan Ka Darating" composer Wency Cornejo; "Maibabalik Ko Ba" composer Marc Bryan Adona; "Stop Think" composers Aliya Parcs/Allan Feliciano; "Huwag Ka Nang Umiyak" composer Ron Jansen Solis at "Narito Lang Ako" composer Chona Borromeo.

Ang album ay available na sa lahat ng record bar at ito’y release ng Star Records.

* * *

Ang dami kong hindi napuntahan last week, aligaga kasi ang grupo naming Red Team sa pagpa-practice sa cheering para sa 2nd Mini-Olympics ng Star Group na sponsor ng Pilipino Star Ngayon (PSN).

Nakuha lang namin ang 3rd place sa cheering, pero okey lang dahil humataw naman kami sa mga sports events, kaya kami ang tinanghal na over all champion sa katatapos na palaro last Saturday na ginanap sa Rizal Memorial Stadium, Manila.

Ang katatapos na Mini-Olympics ay hudyat ng pagdiriwang ng 18th anniversary ng PSN sa March 17 sa susunod na linggo.

Ang buong Red Team na binubuo ng pamilya ng Star Publications tulad ng PSN, Phil. Star, Pilipino Printing, Pang Masa (PM), Fookien Times, Pulp, MTV, People Asia at marami pang iba. In behalf po ng Red Team kami ay nagpapasalamat sa lahat ng tumulong sa pangunguna ng aming managers na sina Al Pedroche at Lito Sunga. Ganun din sa mahusay at mahigpit na pagko-coach nina Mario Geocada at Arnell Ferrer. Marami rin pong salamat sa mga sponsors ng Red Team sa pag-aasikaso ni Hatti Fausto tulad ng Microtel Phil., Linden Suites, City Garden Hotel Makati, CSB International Hotel, Waterfront Hotel Phils., Emperor Villa, Rush Travel & Tours, Cosmos Lihia Factory, Astoria Plaza, Hotel LaCorona at sa iba pang hindi nabanggit na kasama sa aming team.