Sinabi ni
Ruffa Gutierrez, sa presscon ng
2004 Ad Campaign ni
Ricky Reyes na magaganap sa Marso 2, 6 n.g. sa Tanghalang Nicanor Abelardo (CCP), na inalok ng presidential candidate na si
Eddie Gil ang kanyang ina na si
Annabelle Rama ng P150M para tumakbong senador sa nalalapit na eleksyon sa partido nito. Tumanggi raw ang kanyang ina sa dahilang hindi kabilang sa agenda nito ang maging isang pulitiko. Maligaya na raw ito sa pag-aasikaso sa kanyang pamilya, lalo na ngayong ang nakakabatang kapatid niya na si
Richard ay aktibong-aktibo sa pagiging isang artista. May mga negosyo pa rin na inaasikaso si Annabelle na pinagbubuhusan nito ng panahon. Sa kasalukuyan, masaya na naman nitong inaalagaan ang kanyang apo kay Ruffa, si
Lorin, na nakatakdang umuwi ng Turkey kasama si Ruffa, makatapos na makatapos ang kanyang paghu-host ng
Bb. Pilipinas sa Marso 6.
Hindi titulo ang
S.M.I.L.E. ng isang popular na awitin. Isa itong Party List na naglalayong makatulong sa mga negosyante, mula sidewalk vendors hanggang mga malalaking negosyante at kumpanya. Gagawa ito ng mga batas na sasagot sa suliranin ng mga maliliit na negosyante at ekonomiya ng bansa.
Inorganisa ang
S.M.I.L.E. para magsilbing hub of associations na bubuuin ng small; and medium scale business entrepreneurs at service provider sa komunikasyon, electronics, information technology, transport services, atbp.
Ang
S.M.I.L.E. Party List stands for Samahan ng mga Mangangalakal para sa Ikauunlad ng lokal na Ekonomiya.
Daan-daang special children from all over the country ay magtitipun-tipon sa Marikina Sports Complex sa Marso 3-5 para sa
Special Olympics’ 10th Annual National Games. Ang mga sports na paglalaruan ay basketball, powerlifting, soccer, swimming, table tennis, badminton, bowling, volleyball, atbp.
Ang honorary chairman para sa nasabing event ay si presidential daughter
Luli Arroyo. Dadaluhan ito nina
Marikina Mayor Marides C. Fernando at
Mr. Simon Koh, Director/Consultant for Asia Pacific region.
Ang
Special Olympics Philippines ay isang non-profit humanitarian organization na nilikha para tumulong sa mga mentally challenged para ma-develop nila ang kanilang talents sa sports na magagamit nila sa mga competitions here and abroad. Ang event ay susuportahan ng mga 300 Special Olympics volunteers na magbibigay ng kanilang unconditional support.
Nung June 2003, 12 Filipino Special Athletes ang sumali sa
World Summer Special Olympic Games sa Dublin, Ireland. Bahagi ito ng 7,000 iba pang atleta na nagmula sa mga 157 na mga bansa. Sumali lamang tayo sa apat na events, bowling, athletics, powerlifting at swimming, nagawa nating mag-uwi ng 5 gold, 4 silver at 2 bronze.
Ang Special Olympics ay umaasa ng malaki sa kabutihang loob ng marami sa pamamagitan ng volunterism.