Tintin Bersola, nominated sa Star Awards

Nangingiti si Tintin Bersola kapag binabanggit sa kanya ang nominasyon sa nalalapit na Star Awards for Movies for Best New Female Movie Personality. Nominado si Tintin para sa pelikulang Kung Ako Na Lang Sana nina Sharon Cuneta at Aga Muhlach under Star Cinema.

Sa tagal ni Tintin sa industry, first time pala siyang gumawa ng pelikula. She was personally and picked by Star Cinema for the role. Makakalaban ni Tintin for the award sina Bea Alonzo, Jenny Miller at iba pa.

Normally kasi, pawang mga baguhan talaga ang nanonomina sa nasabing category. But since first movie nga niya ang Kung Ako Na Lang Sana at mahusay niyang nagampanan ang role, she got a nomination.

Masaya naman si Tintin sa nasabing nomination. Ipinaabot niya ang kanyang pasasalamat sa pamunuan ng Philippine Movie Press Club. Sa March 13, sa AFP Theatre ang gabi ng parangal ng Star Awards for Movies.

* * *

Hiyang-hiya ako sa mga dati kong katrabaho sa ABS-CBN Talent Center. Isang surprise party ang inihanda ng buong staff para sa akin pero hindi ako nakarating. Hindi ko alam na may niluluto palang party ang buong staff para sa akin. May kanya-kanya silang drama para mapapunta ako sa venue ng party.

Dahil busy ako at punumpuno ang schedule ko, hindi ako nakarating. Nag-send sa akin ng MMS message si Thess Gubi kung saan ipinakita niya ang College ng mga greetings sa akin ng buong staff. Hindi ko akalain na gano’n ako kaimportante sa kanila.

By the end of the month, I will no longer be connected with ABS-CBN Talent Center. Nag-resign po ako sa Promotions & Publicity Manager dahil ‘yun ang alam kong dapat kong gawin. Though, making such decision was one of the hardest decisions I have made in life. Napamahal na silang lahat sa akin. Hinding-hindi ko makakalimutan ang 8 years ng masayang pagsasamahan namin.

Gusto kong pasalamatan ang kaibigan ko sa Talent Center ‘tulad nina Thess Gubi, Luz Bagalacsa, Pally Ramirez, Ana Melissa Yambao, Abby Niesta, Gidgel dela Cuesta, Nenet Roxas, Alan Real, Pear Clemente, Kate Dolino, Cris Navarro, Monch Novales, Portia Dimla, Joy Lomibao, Grace Yap, Ed and Love Capulong, Ian Gonzales, Edith Fariñas, Jerry Telan, Ogit Landas, Nhila Mallari, Jing Bonsol, Pian Marie Francisco, Cheryl Zulueta, Leslie Ngo, Christian Torio, Chris de Guzman sa maraming panahon ng pinagsamahan at pagkakaibigan.

At higit sa lahat kina Johnny Manahan (Senior Vice President), Lulu Romero (director), Tammy Quirino-Reinoso (Director) at Mariole Alberto (Vice President) sa tiwalang ibinigay nila sa akin. At sa pagturing sa akin bilang isang kapamilya. Sa mga artista ng Talent Center na naging malaking parte ng buhay ko, maraming, maraming salamat.

Sa pagtahak ko ng bagong landas ng aking buhay, ang pagkakaibigang ‘yon na ibinigay sa akin ng ABS-CBN Talent Center ay magsisilbing inspirasyon sa pagharap ko sa panibagong yugto ng aking buhay.