Hindi mahilig uminom ng tubig si Ara!

Nakita namin si Ara Mina sa Araneta Coliseum sa finals ng StarStruck last Sunday. Gustuhin man naming hingin ang comment nito sa panibagong word war nina Aiko Melendez at Jomari Yllana’y di namin nagawa. Seryoso ang panonood nito sa show at kasama ang sister niyang si Cristine Reyes sa 10 Avengers. Also, it was not the right time para tanungin siya sa isyung wala siyang kinalaman pero damay siya.

Kahit pala galing sa sakit si Ara’y maganda’t sexy pa rin. Nalaman namin sa isang colleague na ilang araw nilagnat ang actress at pinayuhan pa niyang magpa-doctor ito dahil walang balak magpa-check up (hinintay sigurong si Jomari ang magsabing magpa-doctor siya).

May masamang bisyo si Ara na dapat niyang baguhin. Aba’y ‘di pala ito water drinker at kung uminom man ay konti-konti lang dahil may iniinom daw itong kung ano. Sabi namin sa nagkukwento, kung hindi pa rin sumunod sa kanya si Ara na uminom ng tubig ay isusumbong niya kay Jomari. Baka magaya siya kay Sandy Andolong na nagkasakit dahil hindi rin umiinom ng tubig at kape lang ang gustong inumin.

Incidentally, kasama na sa cast ng Te Amo si Ara. Nagsimula na siyang mag-taping last week at ang role niya’y love interest ni Jomari Yllana.

* * *

Hindi na kailangan ni Geryk Genasky ng PRO para sa pagkandidato niyang konsehal sa Angeles City dahil kaya ng asawa niyang si Isabel Granada ang trabahong ito. Ilang araw na kaming nakakatanggap ng e-mail mula kay Isabel na nagpapatulong na isulat ang kanyang mister. At hindi lang kami ang ini-e-mail ni Isabel, pati na ang iba pang kakilala niyang press people.

Pagka-e-mail, magti-text pa si Isabel para itanong kung natanggap na ang kanyang in-e-mail. Doon namin nalalamang may letter kami’t tamad kaming magbukas ng e-mail.

First time susubok sa pulitika si Geryk. Graduate ito ng B.S. Electronics and Communications sa De La Salle University at naging print at commercial model muna bago nag-showbiz. Isa sa project ni Geryk ‘pag nanalo’y isulong ang Computer Literacy sa Angeles. Ang slogan ni Geryk ay Y.E.S. na ang ibig sabihin ay Youth Education and Sports. Okey na ba ito Issa?

* * *

Nakukulitan na siguro si Maxene Magalona dahil tuwing naiinterbyu na lang, hindi nakakalimutang itanong sa kanya kung wala siyang balak mag-join ng beauty contest? Lagi namang "Wala po," ang sagot ng bagets.

Pero, kung sasali sa alinmang beauty contest si Maxene, malaki ang laban nito dahil maganda na’y matangkad pa (she’s 5’7" at 17 years old) articulate pa at makinis. Sa ngayon, sa kanyang showbiz career at studies ang concentration ng bagets. Busy siya sa promo ng Kuya at taping ng Daddy Di Do Du at bagong teleserye ng GMA-7 na may tentative title na Hiling Ko.

Nakapasa sa entrance exam sa Miriam College si Maxene at hinihintay niya ngayon ang resulta ng entrance exams sa UP at Ateneo. Given the choice, mas gustong mag-aral ng young actress sa Ateneo kung saan balak niyang kumuha ng Mass Communications.

Aware si Maxene sa sinasabing men’s movie ang Kuya pero, maganda rin daw ang role nila nina Chynna Ortaleza, Angel Locsin at Aubrey Miles. Si Cogie Domingo ang ka-loveteam niya rito pero, kay Oyo Boy Sotto siya may kissing scene. Bago pa namin siya matukso’y, binuking nitong daya ang nasabing kissing scene.

* * *

Ayaw tantanan ng intriga ang TV host-actress na ito na host ng isang very popular TV show. Kung anu-ano nang tsismis ang ibinato sa kanya na ang lagi nitong reaksyon ay ngumiti at mag-deny.

I’m sure, ganoon din ang isasagot niya kapag aming tinanong sa latest tsika sa kanya na nagpadagdag siya ng chin. Nahalata ito ng viewers nang mag-host siya sa isang malaking show kamakailan.

Tiningnan naming mabuti ang TV host at medyo nga tumulis ang dati niyang round chin. Pero, inisip naming dala lang ‘yun ng maganda niyang make-up. Para makasiguro, tatanungin pa rin namin siya kung inayos bang talaga ang kanyang chin. Kahit mag-deny, at least, makakakuha pa rin kami ng reaction.

* * *

Balik-Hard Rock Café ang The CompanY sa buong Huwebes ng buwang ito. Nagsimula noong February 5 ang special show ng premiere vocal group at magpapatuloy sa Feb. 12, 19 at 26. Ang magaling na si Beth Martin ang musical director ng series of shows.

Tinatapos na ng The CompanY ang kanilang 13th album entitled "Mahal Kong Radyo" under Pop Art Music ng Viva Records na tribute sa radio. Kasama sa mga kanta sa album ang "Hopeless Romantic" na entry ni Christian Martinez sa 1st Levi Pop Songwriting Contest.

Ang The CompanY ay binubuo nina Sweet Plantado, Annie Quintos, Cecile Bautista, Reuben Laurente, Andre Castillo at Moy Ortiz.