Sunshine Cruz, gaganap na sirenna kahit buntis?

Akala ko noong una ay gimik lang ang pagsasampa ng demanda ni Jimboy Salazar kay Mahal. It was only when Jimboy guested in The Buzz na nalaman kong seryoso pala ito. Na-offend daw siya sa malisyosong lyrics sa kantang "Ayoko Na Sa ‘Yo" kung saan kinukuwestyon ang gender niya. Ang nasabing song ay komposisyon ni Lito Camo. The same composer ng "Otso, Otso" ni Bayani Agbayani at "Bulaklak" ng Viva Hot Babes.

Bago pa man lumala ang sitwasyon, gumawa na ng remedyo ang ABS-CBN na pagbatiin sina Jimboy at Mahal. Nag-surprise appearance si Mahal sa guesting ni Jimboy sa The Buzz. Nag-apologize ito at nagsabing wala siyang intensyon na saktan si Jimboy. Kinanta lang daw niya kung ano ang ibinigay sa kanyang piyesa.

Bilang peace offering, nag-offer si Enrico Santos, managing director ng Star Records ng recording deal kay Jimboy. Isang kanta ang ipasusulat nito na iri-record nina Jimboy at Mahal.

Hindi ko alam kung ano ang plano ni Jimboy after na mag-reconcile sila ni Mahal, ang babaeng aniya ay minsan niyang minahal at itinuring na prinsesa. Sana naman ay magkapatawaran na sina Mahal at Jimboy. Tutal, minsan sa kanilang buhay ay nagmahalan sila.

* * *

Nagulat ako nang makarating sa akin ang balita na kasama si Sunshine Cruz sa cast ng Marina, ang bagong teleseryeng pagbibidahan ni Claudine Barretto at ididirek ni Wenn Deramas. Ang nabalitaan ko kasi, magla-lie low muna si Sunshine sa kanyang showbiz career dahil gusto niyang masundan ang baby nila ni Cesar Montano.

Pero exciting news ito para sa mga tagahanga ni Sunshine. Nangangahulugan na magiging visible na naman siya sa primetime television. Ito bale ang magiging comeback niya sa drama. Halos hindi ko na matandaan kung ano ang huling drama program niya sa telebisyon. At least, sa ASAP Mania, she get to sing and dance.

At ang pinaka-exciting dito, Sunshine plays a sirena in Marina. Pero tiyak na exciting ito for her to accept a project in television at mangangahulugan na magiging busy na naman siya.

Bukod kay Sunshine, kasama rin sa cast ng Marina sina Snooky Serna, Cherie Gil, Agot Isidro, Joel Torre, Eugene "Simang" Domingo, Jenny Miller, Malou de Guzman at mga baguhang sina Maoui David, Pauleen Luna, Cholo Barretto, Dustin Reyes, Gabb Drilon, Luke Jickain at iba pa.

Sa January 21 ang first taping day nito na karamihan sa mga location ay sa Batangas at Subic.

* * *

Dalawang GMA 7 artists ang kasama sa cast ng Milan – sina Ryan Eigenmann at Isa Calzado. Ryan plays Claudine’s brother while Iza plays Piolo’s wife. Si Iza ‘yung wife ni Lito (Piolo) na naging dahilan para magpunta ito sa Italy.

Magandang break kay Iza ang Milan dahil she is being introduced in the movie. Ryan naman has already proven his versatility as an actor. Sa katunayan, choice sila ni Olivia Lamasan for their respective roles.

It has been Star Cinema’s tradition to cast GMA artists in their movies. Wala naman kasing conflict kung kunin nila ang serbisyo ng mga ito lalo pa’t hindi aktibo sa paggawa ng pelikula ang film arm ng GMA 7.

In the past ay nag-cast na rin ng Star Cinema ng iba pang GMA artists ‘tulad nina Brad Turvey at Edward Mendez sa pelikulang Pinay Pie.

Kasama rin sa Milan sina Pia Moran, her comeback sa movies, Cecille Paz at Ilonah Jean.

* * *

Natuwa ako seeing Katya Santos sa episode ng Wansapanataym noong Sunday. It was a good move ng kanyang manager na tumanggap ng mga wholesome roles sa telebisyon. Malayo sa pagpapaseksi niya sa pelikula at mga shows.

Ganito rin sana ang gawin ng iba pang sexy stars. Na kahit nagpapaseksi sila sa pelikula at mga guestings, they still find time to appear in shows na napapanood sila ng mga bata. Para hindi naman sila tuluyan nang malugmok sa pagpapaseksi.

In Katya’s case, kahit naman nagpapaseksi ito, nauna na niyang napatunayan ang kanyang pagiging aktres. Isa siya sa mga sikat na child stars noon sa Ang TV kasama sina Camille Prats at Angelica Panganiban.

Naniniwala pa rin ako na stepping stone lang ni Katya ang pagpapaseksi. In time, kapag na-recognize na ng husto bilang isang major actress, babalik ‘yan sa serious acting. Sana gayahin niya sina Rosanna Roces, Rufa Mae Quinto, Assunta de Rossi at Ara Mina na pawang mga seryosong aktres ngayon.