Ang alaala ng Pasko

Sariwa pa rin sa lahat ang masasayang alala noong nakaraang Pasko. Kaya naman maraming nakaka-miss sa Christmas display sa Greenhills Shopping Center na sinimulan no’ng Nov. 19 at tinapos noong nakaraang Three Kings.

Ang nasabing display ang nagbigay ng mas exciting na Pasko sa karamihan noong nakaraang taon.

Ang Christmas mannequin display ay dating napapanood sa COD Department Store sa Cubao pero nang mawala ang nasabing department store, nag-desisyon ang Greenhills na ilipat ito sa kanila upang maipagpatuloy ang tradisyon na kinamulatan ng mga kabataan.

Walang pinagkaiba ang mga nakita ng karamihan sa nakita na nila noon sa COD. "We almost replicated the show because we wanted something like the COD display which had become a tradition," sabi ng general manager ng COD na si Mr. Joey Santos.