ABS-CBN,may audition para sa mga gustong mag-artista

All set ang ABS-CBN Talent Center sa pag-build up ng new faces na eventually ay magiging big stars sa iba’t ibang larangan ng showbiz. Kung nakagawa sila ng mga certified stars ‘tulad nina Claudine Barretto, Piolo Pascual, Jericho Rosales, Kristine Hermosa, Diether Ocampo, Carlos Agassi, John Lloyd Cruz, Rica Peralejo, Marvin Agustin, Bernard Palanca, Patrick Garcia, Kaye Abad, Jodi Santamaria, Camille Prats, Carlo Aquino, Heart Evangelista, Paolo Contis, Bea Alonzo, Desiree del Valle, Angelica Panganiban at iba pa, magagawa rin nilang muling makalikha ng bagong iidolohin sa hanay ng mga new faces nila. Next in line na sina Shaina Magdayao at Alwyn Uytingco.

Sa acting field, nariyan si Pauleen Luna sa kababaihan. Siya ang sinasabing bibigyan ng build up tulad ng ginawa noon kay Heart Evangelista. Nariyan din si Hazel Ann Mendoza na bagama’t matagal nang artista ay ngayon lang unti-unting nakikilala. Exciting faces din ang year 2004 sina Sarita Perez-de Tagle, Carla Humphries, Jill Yulo at Nikka Peralejo.

Sa kalalakihan naman, they are bent on making Marc Acueza, Cholo Barretto, John Barretto, Dustin Reyes, Brian Tan, Juddha Paolo and Paolo Paraiso stars. At syempre, ang pinagkakaguluhan ngayong boys, singing and dancing group Anim-e na kinabibilangan nina John Wayne Sace, Emman Abelleda, Mico Ayton, Rayver Cruz, Sergio Garcia at Mhyco Aquino.

Sa singing, walang duda na si Michelle Ayalde ang pinagtutuunan ng pansin ng ABS-CBN. Kung inyong mapapansin, linggu-linggo ay may solo exposures si Michelle sa ASAP, ang training ground ng mga future divas ng ABS-CBN. Si Michelle ang nakatakdang ipantapat ng ABS-CBN at Star Records kay Sarah Geronimo ng Viva Records. Ilan pa sa matinding hinahasa ngayon both sa singing at acting ay sina Karel Marquez, Glaiza de Castro at Maoui David.

Sina Karel, Glaiza at Maoiu ay kasama sa mga compilation CD ng Star Records. This is their way of preparing their singing stars sa future solo album nila.

At ang lalo pang dapat abangan ay kung sino ang magiging champion contract with Star Records. So far, na-trim down na sa tatlo ang finalist ng top rating singing search on TV, sina Sheryn Regis, Marinel Santos at Erik Santos. Sa January na ang finals nito.

Next year ay nakatakda namang ilunsad ng bagong batch ng Star Circle. Ongoing na ang audition ng Talent Center para sa mapapansin sa training batch.

With the great efforts of Johnny Manahan, ABS-CBN Talent Center is indeed the home of certified stars.

* * *

Isang kasamahan sa panulat ang nag-abot sa akin ng kopya ng Hotstuff Magazine, ang compilation ng pictorial ng Viva Hot Babes. At sa ilang unang pahina pa lang ay napailing ako.

Hindi lang basta hubad dahil wala nang itinago ang mga babae sa larawan. Wala itong pinagkaiba sa mga international magazines tulad ng Playboy at Cosmopolitan.

May katwirang umalma si Maui Taylor sa mga kuha niya sa magazine. Aba, kita na ang lahat sa kanya sa isa sa mga poses niya.

Halos mawala rin ang respeto ko kay Katya Santos sa kuha sa cubicle ng restroom na kita ang kanyang kahubdan. Sa hanay ng mga sexy stars, hanga ako noon kay Katya dahil bukod sa kanyang karisma, intelihente ito. But afer seeing her shots, nawala na talaga ang paghangang ito.

* * *

You can send your comments and reactions to ericjohnsalut@yahoo.com.