Inang may cancer ang hadlang sa pagpapa-sexy

Malungkot si Michelle Bayle dahil sa may kanser ang kanyang ina sa spinal column. Ayaw niyang mapadali ang buhay nito kapag nag-todo-todong pagpapaseksi siya sa kanyang mga pelikula.

Ayaw aminin ng seksing actress na may taning na ang buhay ng kanyang ina. Nanalig siya sa Itaas na may milagrong magagawa para malunasan ang karamdaman ng kanyang ina. Tuluy-tuloy ang kanyang pagdadasal para sa paggaling ng kanyang mahal na ina.

Tanging ang ina ng aktres ang dahilan kung bakit di pa siya tumatanggap ng mga daring roles. Kung siya ang masusunod noon pa dapat siya nagpa-sexy. Nasa kanya ang hinahanap ng mga kalalakihan para maging bagong pantasya ng bayan.

Isa pa ring hadlang na growth ng aktres ay ang kaibigang pari ng kanyang ina na palaging pinaaalahanan ang kanyang ina na huwag nitong payagan siya na mag-bold. Lahat ng mga pelikulang nandoon ang aktres ay pinapanood nito kaya paano raw nito panonoorin ang pelikulang tuluyan nang maglalantad sa kaseksihan ni Michelle.

Isang manghuhula ang nagsasabing matutuloy ang pagda-daring ng aktres sa susunod na taon at nang iparating namin ito sa aktres ay biglang nagningning ang kanyang mga mata at sabay ang pag-ngiti na kami lamang ang nagkaintindihan ng mga sandaling iyon. – Alex Datu