Maye Tongco, uso pa ba ang bold movies?

Hindi na raw mabenta ngayon ang mga bold movies. Tila nagsawa na raw ang mga manonood sa ganitong uri ng pelikula.

Sa kabila nito ay patuloy si Maye Tongco sa paggawa ng mga ganitong uri ng pelikula. "Marami pa ring offers. Ibig sabihin may market pa. Kapag totoo ngang nawalan na ng manonood ang mga pelikulang ginagawa ko, eh di gagawa ako ng ibang klase. Flexible naman ako, pwede ako sa comedy, magagamit ko pa ang aking pagka-Bisaya.

"Samantala, mayroon po akong pelikula sa El Niño Films, ang Alipin ng Laman na kung saan ay gumawa na naman ako ng paghuhubad at lovescenes bilang isang babae na ipinagkaloob ang kanyang sarili sa lalaking di niya mahal. Kapareha ko rito si Mark Dionisio sa direksyon ni Cesar Abella."