Madalas na may baha sa kanilang lugar at apektado ang mga fishpond, maganda lang daw tuwing buwan ng October, November at December, kapag wala nang gaanong bagyo.
Saglit na nawala sa limelight si Jeannette Joaquin. Inamin naman niyang nagpunta siya ng Japan to work for six months. Idinenay lang niyang nag-GRO roon at ayaw niyang matawag na Japayuki.
"May hawak po akong Artist’s Record Book. Mga shows ang ginawa namin doon, sing and dance kami lahat complete with a production number. Kung may pagkakataon, muli akong babalik doon dahil malaki talaga ang kita. Sa maikling panahon, katumbas na ng tatlong pelikula ang pwedeng kitain doon."
Does that mean titigil ka na sa pelikula? Kung sakali at may mag-offer sa ‘yo para mag-all-the-way, papayag ka?
"For as long as tanggap pa rin ako ng tao, itutuloy ko ang pag-aartista. Walang problema sa akin kung mag-all-the-way man ako. Hindi namin pag-uusapan ang presyo provided, may relevance talaga sa istorya ang paghuhubad na gagawin ko."
Kasama sa pelikulang Ako, Siya O Ikaw? ng ATB-4 Films, Inc., a film by Arman Reyes, mula sa panulat ni Dennis Evangelista, si Jeannette. Tatlo sila nina Rose Valencia at Trinia Shields sa movie na ito.
Isang babaing na-in love at nagkaanak sa isang bakla (Mon Confiado) ang role na na-assign sa kanya. Sa totoong buhay, inamin ni Jeannette na ayaw niyang makarelasyon ang isang bading.
"Gusto ko yung guy na pasensyoso, kasi makulit talaga ako. Someone who would understand my profession. Yung lalaking kahit hindi gaanong mayaman, ay kaya naman akong dalhin.
"Hindi ko naman hangad yung kasalang Ruffa/Yilmaz. I think it’s too expensive for me. Isang simpleng church wedding, okay na sa akin," pagtatapos ni Jeannette. – Ben Dela Cruz