Ang tipong lalaki ni Francine

Kasama si Francine Prieto ng FHM Calendar 2004 along with Diana Zubiri, Myles Hernandez at Juliana Palermo.

Hindi inaasahan ni Francine na mapapasama siya sa calendar dahil baguhan pa nga lang daw siya.

"Hindi ko akalaing mapipili ako. Ang feeling ko tuloy, napakaswerte ko."

Nagsimula si Francine bilang child actress bago napasama sa youth-oriented show ni Kuya Germs (Moreno), ang That’s Entertainment. Naging ramp model siya at sumali sa Bb. Pilipinas contest.

Palabas na ngayon ang kanyang launching movie, ang Liberated. Prior to the filming of the movie, nabalita yung tungkol sa sensuality workshop na ginawa nilang magkakasama sa pelikula.

Is it true that they were all in the nude at nakunan ito ng video? Tapos ngayon, ang balita’y nawawala raw yung video tape. is this some sort of a gimmick?

"May ilang portion doon na we’re naked, pero hindi naman lahat. Para lang mawala yung inhibitions namin kapag ginawa na namin yung mga love scenes sa pelikula.

"Balita ko nga nawala raw yung tape. Sana naman, kung sino yung nakakuha nun, ibalik na lang nila. Wala naman silang makikitang gaano run, mabuti pang panoorin na lang nila itong movie naming Liberated at narito lahat ang hinahanap nila. Hindi ko po alam kung gimik lang yung pagkawala, makonsensiya sana yung nakakuha."

Tinanong namin si Francine kung ano ang tipo ng lalaking gusto niyang maging partner in life?

"Hindi importante sa akin kung mayaman siya o mahirap. Kung gwapo man o hindi. Ang mahalaga’y may ambisyon siya sa buhay, may goal na gustong maabot. Ayoko sa mga lalaking laging "bahala na" ang nasa isip at baka maging "bahala na!" rin ang maging buhay ko sa piling niya," pagtatapos ni Francine.– Ben Dela Cruz