Maui walang utang na loob

May pagka-ingrata pala si Maui Taylor. Imagine, matapos alagaan ng Viva Films, ngayon ay kung anu-anong sinasabi against Viva.

Para yatang nawawala sa sarili si Maui. Parang hindi niya alam ang ginawa sa kanya ng Viva noong panahon na nag-uumpisa pa lang siya sa showbiz.

Common knowledge naman na ang Viva ang nagbigay sa kanya ng break sa showbiz at kung hindi sa Viva hindi lalaki ang pangalan niya.

Ang mga artista talagang ‘to porke nakilala lang ng konti, feeling sikat na. Akala yata niya makaka-survive siya without Viva or Viva Hot Babes. Kasi di ba kung hindi rin naman sa Hot Babes na nagpakita siya ng boobs, hindi rin naman siya makikilala no!

At kahit 100X niyang i-deny na hindi siya nagpa-retoke ng boobs obvious na obvious na nagpalaki siya. Isang male friend ko ang nakapanood ng Honey My Love So Sweet ang nagsasabi na nang panoorin niya ang nasabing pelikula, flat na flat pa ang boobs ng sexy star. Kaya nga raw na-shock siya nang makita na lang niya minsan na malaki na ang boobs nito. Pero, deny-to-death pa rin.

Ang balita ko, kahit pa lumipat na siya ng manager, may active contract siya sa Viva kaya useless din na magpa-handle siya sa ibang manager dahil mapu-frozen lang siya.

Poor Maui, hindi nakapag-isip ng mabuti.

* * *

Looks like exciting ang bagong combination nina Michael V (Juni Lee) at Lani Misalucha sa weekly program nilang Celebrity Turns with Juni Lee and Lani Misalucha. Bagong innovation ang programa ng GMA 7 na combination ng kakaibang character ni Michael V at ng Asia’s Nightingale.

Isa ang nasabing programa sa maraming bagong programa ng GMA 7 na ini-launch last week sa All-Out Blowout na ginanap sa Le Pavillion Metropolitan Park, Roxas Boulevard.

Kasama sa mga ni-launch ang Starstruck, Twin Hearts, All Together Now at Lagot Ka, Isusumbong Kita.

Sa limang programa, dalawa rito ang kasama si Pops. Sayang nga lang at wala siya sa nasabing launching.

Nagkaroon din ng launching ang lahat ng programang nabanggit sa SOP last Sunday.

Sa nasabing party naki-join pati sa inuman, sayawan at kantahan ang mga artista ng limang programa. Pati nga si Christopher de Leon ay panay ang kanta kasama ang banda.

Naging host naman sina Butch Francisco at Kai Brosas.

Kakaibang combination ang bawat programa. In fact, hindi ko ma-visualize ang show nina Michael V and Lani M. Paano kaya ‘yun?

‘Yung Lagot Ka, Isusumbong Kita, nasilip ko last Monday. Okey naman at parang naalala ko ang combination ni Richard at Joey sa Palibhasa Lalaki.

Ang All Together Now naman ay parang naalala ko ang Goin’ Bananas. Kasi nga ‘yung combination ng cast.

Ang Twin Hearts - led by Rudy Fernandez and Pops Fernandez, parang kakaiba. All star cast ang bagong teleserye kasama sina Lani Mercado, Jestoni Alarcon, Dingdong Dantes, Tanya Garcia, Karylle, Dennis Trillo among others.

Ang Starstruck naman ay hosted by Nancy Castiglione and Dingdong Dantes na magbibigay daan sa katuparan ng mga kabataang Pilipino na maging sikat na artista.

* * *

Mahirap at matagal din ang naging process para mabuo ng Philippine Basketball Association Honeyshots 2003. Ayon kay Bebang Fuentes, marketing officer ng PBA, almost one year silang naghanap at nagpa-audition.

Bukod kasi sa physical appearance, hinanap talaga nila ‘yung magaling sumayaw. Hindi naman kasi puwede ‘yung maganda ka nga tapos hindi ka naman marunong magsayaw. Eh ang purpose ng PBA is ang Honeyshots na ang maging in house entertainer para hindi na sila magbayad sa mga sexy star o sa mga singer na kung maningil na ngayon ay super mahal dahil kakaunti na ang dumarating na raket sa kanila.

From 1000 aspirants, na-cut down sa 100 down to 50 hanggang mapili ang walong member na ini-launch sa PBA games last Sunday.

Formal naman silang ipinakilala sa entertainment press last week with PBA Commissioner Noli Eala.

In fairness, lahat ng eight members, puwedeng maging sexy star. Kung sa iba-iba lang diyang starlet na kung anu-anong gimik ang ginagawa, mapansin lang, ang Honeyshots hindi na kailangang magsabi ng mga kalaswaan o gumimik para mapansin.

Bukod sa extra galing nila sa dancing dahil most of them ay member ng cheering squad ng iba’t ibang universities here in Metro Manila, ang iba naman ay model, narinig ko ring kumanta sila na parang style ng Sexbomb nang kunan sila ng TV camera.

Pero sabi ni Commissioner Eala, as much as possible ayaw nilang ma-associate ang Honeyshots sa Sexbomb dahil gusto nilang maka-create ng sariling grupo na nanggaling sa PBA.

In case rin na mag-decide ang sino man sa eight members ng group na mag-showbiz, walang problema sa kanila ayon kay Mr. Robbie Puno, PBA marketing director.

Kasama sa PBA Honeyshots sina Rosemarie Arenas, Ma. Elizabeth Caogdan, Ria Lorraine Garcia, Ma. Fatima Hermosa, Imelda Q. Palma, Theresa Paron, Joe Ann Rodriguez, Rustum Soliman IV and Rustum Soliman VI.

Ang PBA games ay napapanood every Sunday, Wednesday, Friday and out of town games every Saturday.

* * *

Salve V. Asis’ e-mail - [email protected]