Mainit na tinanggap ng Dos si Angelika

I had the chance of watching Magandang Umaga Bayan nitong mga huling araw at isa sa pinakagusto kong segments ng show ay ang "Salamat Po, Doktor" kung saan araw-araw ay iba’t ibang topics about medicine ang dini-discuss. Very informative ang segment na ’yun ng show. May pagkakataon din ang mga viewers na magtanong sa mga guest doctors tungkol sa topic. Malaking bagay ’yun na nagkakaroon ng free consultation on air. Mahusay na nasasagot ng mga guest doctors ang mga tanong ng mga callers on air.

Isang topic na nagkaroon kami ng kaunting kaalaman ay ang tungkol sa anaesthesia. Tatlong klase pala ito. May general, may regional at sedation. Para sa isang hindi pa nagkakaroon ng major operation tulad ko, hindi ko syempre alam ’yun.

Speaking of MUB bukod sa "Salamat Po, Doktor", very interesting din ang iba pang segments tulad ng showbiz segment hosted by Ogie Diaz and Nina Corpuz. Gandang-ganda kami kay Nina. Naalaala tuloy namin si Tintin Bersola when she was just starting sa "Star News" ng TV Patrol. Just like Tintin noon, Nina is now the darling of the news & current affairs department of ABS-CBN.

Mahusay din ang mga anchors ng News Patrol na sina Katherine de Castro at Alex Santos. Cute ang dating ng pala-tawa na si Aida Gonzales sa paghahatid niya ng traffic news.

Napansin din naman ang napakataas na energy level ng mga hosts na sina Edu Manzano, Tintin Bersola at Erwin Tulfo. Mukhang na-inspire ang mga ito sa pagkakapanalo nila sa 17th Star Awards for Television bilang Best Morning Show at Best Morning Show Hosts.

Sana i-maintain ng MUB ang kanilang lalo pang gumagandang show para lalo pang may magandang dahilan para gumising ng maaga ang mga viewers ng show tulad ko.

* * *

Masayang-masaya si Angelika dela Cruz sa nakita niyang importansyang ibinigay sa kanya ng ABS-CBN sa kanyang pagbabalik sa istasyon. Hindi niya inakala na she will still get the same warm treatment mula sa mga ito. Last Sunday ay winelkam si Angelika sa ASAP Mania. Mainit ang naging pagtanggap kay Angelika ng mga main hosts ng show.

Kinahapunan ay guest naman siya sa The Buzz. Kitang-kita sa aktres ang kaligayahan sa kanyang pagbabalik sa kanyang home studio. Banaag din ang kakaibang glow ng aktres kahit pa sabihing she is mending a broken heart after ng split nila ni Victor Neri.

Napaka-positive ng outlook ni Angelika sa kanyang pagbabalik sa ABS-CBN. In fact, bago pa man siya pormal na i-welcome, kasama na siya sa bagong station ID ng network.

"I want to work," sabi nito. "Sana ma-spare muna ako sa intriga. I want to see the people I have worked with before. Sobrang na-miss ko sila."

Hindi na rin ini-entertain ni Angelika ang thought na muli silang intrigahin ni Jericho Rosales lalo pa’t nakatakda siyang pumasok sa teleseryeng Sana’y Wala Nang Wakas kung saan kapareha ng aktor si Kristine Hermosa. This week ay nakatakdang mag-tape si Angelika for the said teleserye.

* * *

Mamayang gabi, ang buhay ni Gladys Reyes ang featured story sa Maalaala Mo Kaya. Matagal ko nang alam kung gaano kabuting tao si Gladys. Isa nga ito sa masasabi kong totoong tao sa showbiz. Napatunayan ko ito sa ilang pagkakataon na nakasama ko ang aktres.

Pero ang higit na magpapaantig ng damdamin natin ay ang pagiging mabuting anak at kapatid ni Gladys. She will do everything para sa kanyang pamilya. Kahit si Jerry Sineneng na nagdirek ng said episode ay nagulat sa makulay na buhay ng nakilala nating kontrabidang aktres.

Gladys plays herself at si Carlo Aquino ang gumaganap na brother ni Gladys. Special child ang brother ni Gladys kaya buhos na buhos ang pagmamahal niya rito.

Siniguro sa amin ni Direk Jerry na dudugo ang puso natin sa episode ng buhay na ito ni Gladys sa Maalaala Mo Kaya mamayang gabi.

* * *

For your comments and reactions, you can send your e-mail at [email protected].