Nang makausap namin si Justin ay nagsabing masaya’t natutuwa siya sa nangyayari ngayon sa showbiz career ng dati nitong syota (Gwen) na iniwan niya noon sa Baguio City para hanapin ang kapalaran nito sa Manila. Noong bago pa lamang ang Hot Babes na kinabibilangan ng sexy star ay nagkaroon ng pag-uusap nang matagal sa isang party at naging maayos ang kanilang paghihiwalay bilang magkaibigan na lamang pero nagulat na lang siya nang may naglalabasang masama ang loob ng dating syota at kalat ito sa lahat ng babasahin.
Naintindihan iyon ng aktor at di niya inakusa ang sexy star bagkus, di siya nagpaapekto dahil naniniwala siyang kailangan ng sexy star ng ingay para mapansin sa showbiz. "Gusto lang niya ng publicity at alam kong di niya gusto iyon pero kailangan niya eh. Gusto ko ngang magkapelikula kami eh."
Masaya naman si Gwen sa pangyayari na nagka-usap na uli sila ni Justin at pabor naman siyang gumawa sila ng pelikula pero dapat ay tapatan ng aktor ang kanyang pagpapaseksi sa eksenang romansahan na kailangan hubo’t hubad din siya. "Kaya ba niyang gawin ang gagawin ko? Alam ko ayaw niyang maghubad eh."
Alam ni Gwen na may syota na ang aktor at imposibleng mauwi sa pagbabalikan ang kanilang pagbabati muli. Masaya naman ito sa kanyang lovelife dahil marami raw itong mapagpipilian sa nanliligaw sa kanya ngayon. — AD