Parehong sikat ang dalawang young celebrities na ito na magnobyo. Ayaw aminin ng young actress na boyfriend niya ang young actor. Lagi lang niyang sinasabing MU lang sila. Pero alam n’yo bang may pagkakataon pala na natutulog ang young actor sa bahay ng young actress na ito na alam naman pala ng magulang ni babae? Ang dalawa ay parehong nakakontrata sa isang network. Magaling umarte ang aktor na madalas na ma-nominate sa award-giving bodies. Samantalang ang bagets na actress naman ay maraming TV show at nagsimula bilang child actress.
Akala ng iba ay nagli-live in na sina
Oyo Boy Sotto at
Alessandra de Rossi dahil lagi silang magkasama. Hatid-sundo sa taping at syuting ang ginagawa ng aktor sa kanyang girlfriend na si Alex.
Inamin naman ni Oyo Boy na hindi siya pabor sa live-in set up at naniniwala sa kahalagahan ng kasal kaya malabo raw na mag-live in sila ni Alex. Isa pa, patuloy pa rin ito sa kanyang pag-aaral.
Natuwa si
Joyce Jimenez dahil natupad din ang pangarap nitong maipagpatuloy ang pag-aaral.
Nakapasa ito sa entrance examination sa Thames International Business School at ngayon ay kumukuha ng Business Administration major in Marketing.
Tatapusin niya ito sa loob ng apat na taon.
Mabuti naman at wala siyang pelikulang ginagawa at mga TV appearances lang ang pinagkakaabalahan kaya may panahon ito sa kanyang pag-aaral.
| Snooky, Di Napapagod Sa Kaiiyak |
Magaling na artista si
Snooky Serna, patunay nito ang pagkakapanalo bilang Best Drama Actress sa
Star Awards for TV para sa
Habang Kapiling Ka.
Samantala, malapit nang matapos ang soap opera niyang
Habang Kapiling Ka. Kahit nade-drain ito sa kaiiyak sa nasabing soap ay enjoy pa rin ito at umaasa na sanay masundan pa ito ng another soap opera.
Inamin din ng aktres na mahirap ang pera sa panahon ngayon kaya kahit magdamagang puyat at pagod ang nadarama ay tinitiis niya para lang may kitain.
| Cindy, Ratsada Ang Career |
Maganda ang takbo ng career ngayon ng rumored gf ni
Jericho Rosales na si
Cindy Kurleto. Katunayan bukod sa pagiging mainstay ng
MTB ay sa kanya na rin napunta ang dream role nina
Judy Ann Santos at
Anne Curtis ang
Dyesebel. Handa rin itong magpa-sexy at takpan ng mahabang buhok ang kanyang malusog na dibdib.
| Alma-Joey, Malabong Magkabalikan |
Maraming nagtatanong sa akin kung hindi kaya posibleng magkabalikan na sina
Mayor Joey Marquez at
Alma Moreno ngayong split na ang alkalde at si
Kris Aquino?
Ayon sa isang source, malabo na itong mangyari dahil mismong sa bibig ng aktres nanggaling na hindi na sila magkakabalikan pa ng dating asawa. Una, sobrang sakit ng loob ang idinulot ng kanilang paghihiwalay-idagdag pa ang Joey-Kris scandal. Higit sa lahat, balitang may bagong inspirasyon si Ness na isang konsehal ng Maynila na may-ari ng Imperial Dragon sa Mabini. Politicial advicer pa ni Ness ang binata kung saan magka-sing edad pa ang dalawa. Ito rin daw ang dahilan kung bakit blooming these days si Ness.
| Loren, Running Mate Ni FPJ? |
May nagtatanong din kung tatakbo pa bang pangulo si
Fernando Poe Jr. sa darating na eleksyon? Higit ang naniniwala na nakapagdesisyon na itong tumakbo bilang pangulo kung saan balitang ang magiging running mate ay si
Loren Legarda. Magandang kumbinasyon, di ba?
Ang gusto lang daw ni FPJ ay walang vested interest ang mga taong tutulong sa kanyang kandidatura.